Im internazionaale Transport bringed mer öisi gsamti Transportexpertiise für Sii uf Tuure: hochmotiviärti Logischtikerine und Logischtiker, en piikfäine Fuerpark, läischtigsschtarchi Aalaage und modernschti ÄiTii- und Komunikazioonssischteem. Als Mitgliid vo diverse öiropäische Netzwerch und mit öisne Luft- und Seefracht-Expärte erlediged mir Iri internazionaale Vercheer inkl. Verzolige und ales, was dezue ghöört. Per Schtraass, Schine, Luft oder uf em Seewäg.

Läischtige mit Fernwee

Moudal Splitt

Im internazionaale Transport beraated mer Si für de ideaali Moudal Splitt. Für das nuzzed mer ali Vercheersträäger, won ere schnälle internazionaale Schpedizioon diäned.

Schtraassetransport
Uf de Schtraass wickled mer Sammeltranspört, Täilladige und Komplettladige ab. Mir sezzed de LKW überall deet ii, woner im Moudal Splitt en wertvolle Biitraag läischtet, will er flexiibel isch und au di letschti Mäile cha bediäne.

Zuug
De Zuug isch sowisoo feschte Beschtandtäil vo öisem Nachhaltigkäitsdänke und wird je nach Situazioon au internazionaal gnuzzt. So isch bischpiilswiis di Transsibiirisch Isebaan vo China nach Öiroopa e schnälli Alternatiive zu de Seefracht und trotzdem choschtegünschtiger als Luftfracht.

Luftfracht
De Transport per Luftfracht isch schnäll und vor alem für wertvolli Güeter wi Uure oder Farma gäignet. D Gröössi vo de Flugzüüg, de Frachtruum und di gsetzliche Beschtimige gänd voor, was ales cha dur d Luft transportiert werde. Je nach Mängi, Flughafenööchi und äigne Laagerkapazitääte cha d Luftfracht für Sii en wichtige Vercheersträäger sii. Und au für de Luftfrachtersazzvercheer büüted mir Hand.

Seefracht
De Transport vo Seefracht äignet sich vor alem für groossi Mängene und langi Schtrecke. Allerdings sind d Laufziite entspächend länger. De Transport vo und zu de Seehäfe organisiäred mer nach Irne Bedürfniss per Bineschiff, Zuug oder über d Schtraass.

Verzolige

Sobald e Waar über d Schwiizer Gränze sött, mus si verzollt werde. Öb Äinzelverzolige oder komplexi Verzoligskonzept, mir eraarbäited für Sii die beschti Löösig. Im Raame vo den internazionaale Transpört erlediged mer für Sii sämtlichi Zollformalitääte und reded mit em Zollbeamte diä Schpraach, won er verschtaat.

Netzwerchpartner

Rund um de Erdball schaffed mer mit Logischtikpartner und Netzwerch zäme, wo öise Kwalitäätsaaschpruch i de internazionaale Schpedizioon täiled und wo mer öis chönd druff verlaa. Usserdem ghööred mer diverse Veräinigunge für de internazionaali Transport aa.

Automaatischi Dateüberträgig

Überen elektroonischi Daateschnittschtell (EDI) verbindt öisi ÄiTii-Abtäilig Iri ERP-Softwäär mit öisem Transport- oder Laagerlogistiksischteem – oder sogar mit bäidem. So schteled mir sicher, dass ali transportrelevante Daate wiä Absänder und Empfänger, Waarenart, Schtuckzaal, Verpackig, Bruttogwicht, Abmässige oder ali für d Laagerlogistik wichtige Aagaabe wiä Artikelschtammdaate, Produktionsuuftraag, Schtuckliischte, Chundenuuftraag, Schtaatusbuächige oder Rötuurehändling mit Irne ERP-Daate überäinschtimed. Falls Si käi EDI-Schnittschtelle wünsched, chönd Si Iri Uufträäg manuell i öisem Chundeportaal erfasse.

Konsolidierigsplattforme

Stammt Iri Waar us Europa oder usem Rescht vo de Wält, so konsolidiered mir si grenznööch i öisne Hubs in Süddüütschland, im Elsass oder in dä Lombardei. Dezue holed mir sie entweder sälber her oder Sii löönds sie vo Irem Spediteur bi öis aliefere. So oder so bringed mir Iri Güeter us de EU gsammlet i d’Schwiiz, inklusiv Zollabfertigung. Dezue ghöred au Usfuerzollabfertigunge vo Düütschland, Frankriich und Italie sowie Transitabfertigunge T1 und T2. S’Bsundere: Dieselbe Standört diened als günstig glegeni Distributionsplattforme. Vo dene drüü Standört verteiled mir täglich alli Lieferige zu öisne europäische Netzwerchpartner. 

Mee Vortäil, mee Wert

Mit Schtandort i de Schwiiz, Düütschland, Frankriich und Itaaliä isch Iri Import- und Exportlogischtik beschtens a Öiroopa aagschlosse.

S Transportchöne vo de Planzer-Gruppe chunnt Ine au uf internazionaalem Terräng zguet.

Öisi Firmekultuur als Familiänundernäme garantiärt e langfrischtigi und loiaali Partnerschaft.

Au im internazionaale Gschäft sezzed mir öise Schwiizer Kwalitäätsaaschpruch für Sii um.

Öisi ÄiTii-Sischteem sind mit de öiropääische und internazionaale Aaforderige kompatiibel – also au mit Irne.

Für unsere internationale Ersatzteillogistik verlassen wir uns auf die zuverlässigen Transportleistungen von Planzer.

Marc Falconnier SBB Cargo AG

Iren Aaschprächpartner

Sandro Knecht
Sandro Knecht Leiter internazionali Transpört
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop