Wird glade …

Laager guet, alles Guet.

Öisi Laager sind daa, wo Iri Waar isch – oder sötti sii. Sorgfalt und Verlässlichkäit ghööred zu de Infraschtruktuur. So machemers Irne Uufträäg bekwääm, au de unbekwääme. Obwohl Si nur zaled, was Si nutzed, isch d‘Sicherhäit bi öis immer imbegriffe.

Uf die Laagerdienschtläischtige chönd Si zele:

  • Ii- und Uuslaagerig
  • Laagere vo Läbesmittel, farmazöitische Produkt, Güeter für de täglich Bedarf sowiä Gfaargüeter
  • Kommissionierig
  • Konfekzionierig
  • Beschaffig vo Verpackigs- und Werbematerial
  • Uufbau und Bewirtschaftig vo Webschopps
  • Abwickig vo Luftfrachtsändige
     

Mit öisne villsiitige Laagerarte werded mir jedem Aalige grächt:

Hochregaallaager:

Für schlächt staapelbaari Güeter, äinzeln zuegänglich oder sofort verfüegbaar.

Blocklaager

Für staapelbaari Materialie i groosse Mänge wie Kartong, Baumaterial oder Getränk mit schnällem Zuegriff.

Chüellaager

Tämperaturgfüerti Laager für alli Arte vo Läbesmittel – natüürli HACCP-konform.

Palettelaager

Fürs versandfertige Kommissioniere vo chliine Päckli bis zur komplette Verchaufsäinhäit für de Detäilhandel.

Chliitäililaager

Für volumearmi Artikel wie Zuebehöör, Ersatztäili oder Textilie.

Umschlaglaager

Für Güeter, wo innerhalb vo de nächschte 48 Stund uusgliferet oder umteilt werded; chüel, troche, suuber oder isoliert.