Mit dere Äpp verfolged Sii Iri Stückguet-, Nacht-, Houmserviss- und Päcklisändige kwasi in Ächtziit. Sobald d’Waar bi öis iigange isch, legemer jedere Versandäinhäit en elektronischi Fuessfessle aa. So wüssed Sii immer ganz genau, wo Iri Sändig underwägs isch. Sobald mir die uusgliferet händ, staat d’Uusliferigsbeschtäätigung spööteschtens drüü Minute nach de Underschrift vom Empfänger als PDF für Sii parat. Usserdem chönd Sii di automaatische Benachrichtigunge de Bedürfnis vo Irne Chunde aapasse. 

Bewirtschafted Sii Iri Transportufträäg für Stückguet und Houmserviss schnäll und sicher. Si chönd Iri Ufträäg diräkt i öisem Sischteem erfasse oder Sii mutiered wichtigi Eckdaate wie Empfängerinschtrukzioone, Liferziit oder Art vo de Waar. Sämtlichi Daate vo aktuelle Ufträäg bliibed schtändig erhalte und für Sii jederziit iiseebar. E äigni Softwäär bruuched Sii dadefür nööd.

Mit dere Äpp erfassed Sii Iri Päckli bis 30 kg i underschidliche Gröösse für Ire nächscht Uftrag bekwäm onläin und bi Bedarf sogar ooni Login. Mit intressante Zuesatzopzioone gschtalted Sii d’Zueschtellig so, dass si exakt zu Irne Empfängerine und Empfänger passt.

Und Ine ghört d’Nacht! Mit dere Äpp erfassed und bewirtschafted Sii Ufträäg, wo mir für Sii i de Nacht zueschteled. Iri Päckli lifered mir i de ganze Schwiiz und is Fürschtetum Liechteschtäi. Nach de Erfassig laded mir ab em 17.00-i am gwünschte Ort uuf und schtelled bis spöötischtens am 7.00-i am Morge zue.

So häisst öises webbasierte Laagerlogistiktuul für Gschäfts- und Privaatchunde. Da erfassed Sii d’Avisierig vo Waareiigäng und Kommissionierufträäg, verwalted Iri Artikelschtammdaate, überblicked Ire Beschtand, vewalted Sperrschtaatus und chönd Liferschii aaluege und exportiere. Sämtlichi Dokumänt über Iri Laagergüeter sind bi öis elektronisch archiviert.

Sii chönd öis d’Uftragsdaate über en automaatische Daateustuusch schicke, aber Sii händ käis Tuul für en aktuells und konforms Versandleibel? Dänn generiered Sii mit dere Äpp Waareetikette vo Sändige us Irere individuelle Schnittschtell über öiseses Chundeportaal diräkt uf Ire Drucker – ooni zuesätzliche Programmierufwand.

Mit dere Äpp bhalted Sii de Überblick über Iri Versandadrässe. Sii chönd erfassti Adrässe ernöit abrüefe oder mit eme äifache Adrässimport verwalte. Dadebii hät niemert usser Ine Zuegriff uf Iri Adrässe. So händ Sii jederziit d’Kontrole über d’Daate. Ener schnälle manuelle Uftragserfassig schtaat so nüüt me im Wäag.

Händ Sii Fraage zu äinzelne Äpps? I öisne Aaläitige wird ales schrittwiis erchläärt. Sött trotzdem öppis unklaar sii, so chönd Sii öis jederziit über de Kontakt erräiche.

Händ Sii Fraage zu öisne Dienschtläischtige oder möchted Sii öis es Fiidbäck zum Chundeportaal gää? Mit dere Kontaktäpp chönd Sii öis äifach erräcihe und bi Bedarf Underschtützig bi Fraage zu öisne Äpps aafordere..

D’Berächnig vom Triibschtoffzueschlaag basiärt uf öisem Diselflouter. Daa finded Si di aktuelle Gränzwert vo de nazionaale Diselpriise. Übrigens werded die Infos au uf öisere Websäit uf de erschte Siite aazäigt.

Sii möchted mee über öis erfaare? Da gits Insäits. Gnüüsed Sii vier Maal im Jaar di nöischt Uusgaab vo öisere Mitarbäiterziitschrift.

Schnäll über s’Nöischte informiert sii? Da erfaared Sie us erschter Hand, was i öisem Familienetzwerch lauft. Sie chönd d’Inhält nach Theeme filtere.

Mir sind Taag für Taag i de ganze Schwiit mit Bschtelige für Iri Chunde – öisi Empfängerine und Empfänger – underwägs. Da gits natüürli so Äiniges z’gsee und z’brichte. Mit dere Äpp erfaared Sii Aktuells und Hindergründigs us de Wält diis- und jensäits vo Huustüre und Gartehäg.

Päckli chömed wiit ume, sind gern gsee und händ Äiniges z’verzele. Über die Äpp läsed Sii aktuelli Gschichte über Mänsche und Sändige, wo öppis z’säge händ. D’Biiträg sind i chronoloogischer Räiefolg ufgfüert. Klicked Sii äifach hinder d’Kulisse vo «Planzer Pakeet».

Gnüüsed Sii mit öisne Webkems de Uusblick uf äinigi vo öisne Standört und dene iri Umgäbig.