S’Konfäkzioniere ode Koo-Päcking gilt als Cherndisziplin vo de Laagerlogischtik. Us Irne Waare stelled mir zäme, was immer Marketing, Händler oder Chunde wünsched. Dadebii beschtimed Sii, öb d’Konfäkzioon für en äimaalige Chundeuuftraag dänkt isch, oder periodisch vo öis ab Laager erschtellt wird. Mir übernämed für Si die gsamt Stücklischte- und Produkzioonsverwaltig.  Bim Konfäkzioniere gilt: D’Waar isch mee wärt als d’Summe vo de Äinzeltäil.

Läischtige fürs gwüsse Öppis

Priisuuszäichnig/Etigettierig

Damit Iri Produkt die nöötig Ufmerk­saamkäit vo de Konsu­mänte am Verchaufs­punkt (POS; Point of seil) über­chömed, bringed mir Priis­schilder, Aktions­schtöörer und jedi Art vo Eitgette aa. Uf Wunsch drucked mir Iri Eti­gette i öisere huus­äigene Etigette­druckerei uus.

Multipäcks

Duos, Trios, Kwattros, Zuegaabe – i de Verchaufsförderig gwünnt, wer de attraktiivschti Vortäil büütet. Mir mached Multipäcks für Iri Rabattwuche oder Sonderaagebot. Wänn Si möchted, dann produziere mir die als individuelli Chliiseriie. Und uf Aaordnig beschaffed mir sämtlichs Verpackigs- und Wärbemateriaal.

Displeis

Displeis sind praktisch z’handhabe, aber nüd immer äifach bim Uufbou. Drum erlediged mir s’Falze, Uufschtelle, Montiere, Uufchläbe und Befüle nach Maas. Mir bschteled äigeschtändig Naachschuub vom Verpackigsmateriaal und mached s’ganze POS-Materiaal parat für de Verlaad und Transport.

Set Bilding

Für Gschänksets, i de Wartig oder Reparatur vo gwüsse Gräät und Aalaage werded gern vorkonfäkzioniärti Kits iigsetzt. So stelled mir zum Biischpiil d’Reparatursets us de meischtbruuchte Ersatztäil oder Räinigungskits mit allne erforderliche Räinigungsagsessuars zäme.

Houm/Personal Kär, Fuud

Öisi Koo-Päcing-Zoone für Produkt us de Bransche Houm/Personal Kär und Fuud sind zärtifiziert und mit Häitech-Maschine uusgrüschtet. Dänn da gälted bsunderi Standards vo Hügiene und Läbesmittelsicherheit. Die stelled mir dur entschprächendi Bewilligunge und Zärtifizierige sicher.

Swissmedic

Dank de Härschtelligsbewilligung vo Swissmedig dörfed mir Iri Medikamänt uuspacke und mit Irne Produkt aus Farma/Hälskär Iri Displeis oder schuschtigs POS-Materiaal für Apiteeke und Drogerie konfäkzioniere.

Iidrück und Usdrück öisere Konfekzionierig

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Mee Vortäil, mee Wert

Mit ösiere Konfäkzionierig holed Si sich maximaali Flexibilitäät, um schnäll und geziilt am Määrt z’reagiere.

Iri Waar wird für d’Präsentazioon am POS perfäkt und nach höchschte Kwalitäätsschtänderds härgrichtet.

D’Stücklischte erfassemer variaabel je Uftrag oder fix nach Ziilartikel.

Bi Läbesmittel stelemer sicher, dass immer di frischischti Waar uf em Määrt isch – über all Iri Detäihändler hinweg.

Für Verpackigsmateriaal zaled Si nur so vil, wi Si au nutzed.

Si chönd jederziit jedi äinzelni Waar vonere konfäkzionierte Versandäinhäit zruggverfolge.

Bereits seit fast 10 Jahren vertraut Mars bei der Lagerhaltung und Lieferung an die schweizer Handelspartner auf Planzer. Die hohe Serviceorientierung und kontinuierliche Zusammenarbeit zur Erzielung von Prozessverbesserungen waren stets bestimmend für die erfolgreiche langjährige Partnerschaft.

Iris Maurer Leitung Logistik, Mars Belgium, Austria, Switzerland
Iris

Ire Aaschprächpartner

Patrik Meier
Patrik Meier Mitgliid vode Gschäftsleitig
Leiter Laagerlogischtik
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop