Wer a Mässe täilnimmt, Aaläss organisiärt oder als Schpon­soor uufträttet, wäiss: De äigentlichi Äkt fangt lang vor em Ivänt aa. Für Sii kümmered mer öis ums ganze Ivänt­materiaal, vom Chugel­schriiber bis zum Mega­scriin. Mir laagered Iri Waaren ii, halted si inschtand, räiniged si und mached si für de nächschti Iisazz schtartklaar. Zum gwünschte Ziit­punkt bringed mer s Materiaal zu de Ivänt­lokeischen, schteleds uuf und under­schtüzzed Ire Schtand­bouer tatchräftig.

Läischtige wo Aalass zur Fröid gänd

Ii- und Zwüschelaagere

Für Sii laagered mir Ires komplette Iväntmateriaal a öisne Laagerschtandort ii, segeds Chugelschriiber, Schtandelemänt, Rolodispleis, Scriins oder Bschtandtäili vo Schtandtechnik. Dezue ghöört natüürlich di ornigsgmääss Inschtandhaltig, Räinigung und di materiaalgrächt Uufberäitig für de nächscht Uuftritt. Falls d Gägeschtänd beschedigt sind, säged mers Ine umgehend und beschpräched mit Ine s wiitere Voorgehe (Reparatuur, Ersazz, Entsoorgig usw.).

Transport und Voor-Ort-Serviss

Sobald Iri Iväntlokeischen für d Uusschteller und d Schtandbouer zuegänglich wird, lifered mer s Materiaal mit de nöötige Transportsicherhäit aa. Für das schlüüsed mer öis mit Irem Schtandbouer oder Irem technische Personaal churz. Uf Wunsch schteled mer zuesäzzlichi Määnpauer oder Gabelschtaapler beräit. So chömer mit öisem Houmserviss bim Uufschtele, Montiäre, Aaschlüüsse und Inbetriibnää vor Ort geziilt mithälfe. Und sötti wäärend em Ivänt doch no es Täili fääle, lifered mer Ine das gern mit öisem Päckliserviss naa.

Iväntlogischtiktuul

Im Planzer-Iväntlogischtik-Sischteem erfassed mir sämtlichi Gägeschtänd. Mir underschäided zwüschet Verbruuchsmateriaal (Giv-äweis, Bonbons usw.) und widerverwertbaarem Iväntmateriaal (Schtandelemänt, Tii-Schörts, Technik usw.). Usserdem werded Ine sämtlichi Iisäzz im ziitliche Verlauf aazäigt. So chönd Si jederziit onläin uf Ire Waarebeschtand zuegriife, Verbruuchsgägeschtänd mit gnueg Voorlauf naabschtele und s Materiaal früeziitig für de nächschti Uuftritt bueche.

Info-Flyer

Ladät Sii sich da öise Imformatioonsfleier abe. Für wiiteri Imofrmatioone kontaktiäred Sii öis bitte persönlich.

Mee Vortäil, mee Wert

Dank öisem flächedeckende Netzwerch i de ganze Schwiiz simer schnäll und emissioonsoptimiärt i de Nööchi vo Irem nächschte Ivänt.

Über öises Iväntlogischtiktuul bliibed Si zu jedem Ziitpunkt über de Zueschtand und d Verfüegbaarkäit vo Irne Waare imformiärt.

Si bewirtschafted Ires Iväntmateriaal und plaaned de nächschti Ivänt onläin und dänn, wänn Si wänd.

Mir koordiniäred für Sii d Aaliferig, d Montaasch, d Demontaasch und de Abtransport. Für das koordiniäred mer öis diräkt mit Irem Schtandbouer oder Iväntprojäktläiter.

Di passende Gschichte us öisem Blog dezue

Effizientes Hin und Her

Planzer engagiert sich mit swisscleantech für einen grüne(re)n Planeten

Teil für Teil eine Gesamtlösung

Ire Aaschprächpartner

Heinz Wiedemeier
Heinz Wiedemeier Mitgliid vode Gschäftsleitig
Leiter Planzer Homeservice
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop