D Körperpflääg und Räinigungsmittel sind di äifachschte Sache vo de Wält – sötti mer mäine. Für d Logischtik gilt das allerdings nööd. Wer Houm- und Pörsenel-Cäär-Produkt herschtellt oder vertriibt, wäiss: Es bruucht Effiziänz, Erfaarig, Verlässlichkäit, Kompläienss, Kwalitäät und e dichts Netzwerch a vertrouensvolle Partner.

Uf Hoochglanz poliärti Läischtige

Laagerlogischtik

Für Houm/Pörsenel-Cäär-Produkt hämer ganz vill Laagerlogischtikdienschtläischtige für Sii paraad. Allne gmäinsaam isch d Komformitäät mit Irem Pflichteheft, de gsetzliche Bschtimige und de Sicherhäit bäi Planzer.

Waaren­iigang/­Waaren­uusgang

Mir schteled e kompromissloosi Waareniigangs- und Waarenuusgangskontrole nach Irne Prüefkriteeriä als Herschteller oder Händler sicher. Dezue ghöört d Kontrole vo de Faarzüüg und Produkt ebeso wiä iri daatesiitigi Erfassig.

Laagerig

Mir schteled sämtlichi Laagerforme und d Tämperatuurbereich Ämbiänt und Küül beräit. Daa läsed Si mee über öisi Laagerlogischtikdienschtläischtige.

Komissioniärig

Iri Waare komissioniäred mer empfängergerächt. Das häisst soo, dass si am POS diräkt chönd iigsezzt werde. Wo immer nöötig beschaffed mer s entschprächende Verbruuchsmateriaal, zum Bischpiil für Displeis oder Topper.

Komfäkzioniärig

Iri (Verchaufs-)Verpackige packed mer um oder appliziäred di gwünschte Etiggette. Churz: Mir komfäkzioniäreds.

Versandvoorberäitig

Sobald de Sändigsuuftraag bi öis iigangen isch, schteled mer Iri Waare i de passende Versandform für de Wiitertransport beräit.

Väliu-äädid Servissis

Für Meerwertdienscht bruuchts no mee Chöne. Au das dörfed Si vo öis erwaarte. Zu öisne Väliu-äädid Servissis zeled mer zum Bischpiil Umpackaarbäite, Etiggettiärige, Umettiggettiäre, Chliischarschebildig oder s Datalogger-Händling, vo de Komfigurazioon über d Entnaam bis zum Uusläse vo de Logger.

Distribiuuschen

Sobald Iri Displeis oder andere Äinhäite für de Versand paraad sind, lifered mer si als Stückguet schwiizwiit und internazionaal diräkt i diä Schopps oder Schouruums, wo s iigsezzt werded. Chliineri Äinhäite mit weniger als 30 Kilo Gwicht übergänd di Mitarbäitende vo öisem Päckliserviss em Empfänger.

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Mee Vortäil, mee Wert

Iri Houm/Pörsenel-Cäär-Löösig gaat bi öis mit de Ziit und de gsetzlichen Entwicklige.

Mit öisne schlanke Prozäss, erfaarene Mitarbäitende, ere schwiizwiite Imfraschtruktuur und modernschte Faarzüüg professionalisiäred Si Iri Suppläi Tschein.

Mit jedem Chund im Beräich Körperpflääg/Räinigungsmittel wachsed öisi Erfaarig und Ire Meerwert.

Mir nämed Ine so äinigi adminischtratiivi Täätigkäite und leschtigi Archiviärigspflichte ab.

Dank öisne Ii-Tuuls isch Iri Beschtandsfüerig jederziit aktuell und koräkt. Usserdem profitiäred Si vom Parallelfluss vo Daate und Waare.

Planzer bietet eine sehr hohe Qualität im Co-Packing und eine grosse Agilität im gesamten Logistikprozess, so dass wir durch unsere sehr gute Zusammenarbeit immer die besten Lösungen für unsere Kunden finden können.

Patrick Kipfmüller Henkel & Cie. AG
Patrick

Ihr Ansprechpartner

Patrik Meier
Patrik Meier Mitgliid vode Gschäftsleitig
Leiter Laagerlogischtik
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop