Wänn Si Häiend-Löösige herschteled oder aabüüted, wüssed Si: I dem Bisness isch d Gsamtlogischtik erfolgsentschäidend. Mit öisere Häiend-Logischtik verfiinered mir d Wertschöpfig vo Irne Gräät und Ersazztäili. Drum wääled Si useme umfassende Fächer a Dienschtläischtige di passendi fü Ires Gschäft uus: Mir laagered, transportiäred, entpalettisiäred, packed Iri Gräät uus, schteleds ane, boueds zäme und underschtüzzed Ires Inschtalazioonstiim.

Hööchschtläischtige für Ires Häiend-Bisness

Transportmänätschment

Für Iri HäiTech-Gräät erlediged mer di gsamt Transportplaanig und lifereds mit Doppelbsazzig und luftgfäderete Schpeziaalfaarzüüg bi Taag oder Nacht uus – i de Schwiiz innerhalb vo zwäi Werchtääg. Wo gwünscht, übernämed mer de Uufbou voor Ort, d Inschtalazioon und d Reparatuurlogischtik. Oder ales, was im Häiend-Bisness susch no diänlich isch.

Laagerlogischtik

Zu de Laagerlogischtik vo Häiend-Gräät ghöört mee als d Laagerig sälber: luggeloosi Iigangsprüefig, Laagere im optimaale Laagertüpp, Komissioniäre, Set-Päcking, Uuszäichne, Verpacke oder Versandvoorberäitig. Mer kümmered öis au um de Kross-Docking-Umschlaag, de Mördsch-in-Transit, d Ersazztäillaagerfüerig, d Seriiänummereverwaltig oder Iri Rötuure. Uf Wunsch boued und pfläged mer Ire Webschopp oder beräited Iri Waare uf di nazionaal und internazionaal Wiiterräis voor.

ÄiTii-Ikwipment

Schalterschränk, Iischüüb, Sörver – was immer a Hardwäär für es Daatezänter oder en Klaud-Houster voorgsee isch, dörfed Si de Erfaarig vo öisne Häiend-Profis übergää. Und will Ersazztäili i dem Määrtsegmänt ziitkritisch sind, passiärt d Ersazztäillogischtik bi öis voor Ort.

Däiagnostics

I dem Beräich legged mer Hand a Iri Analüüsegräät und Ires Laboorikwipment aa, segeds pH-Mässgräät, Titratoore, thermischi Analüüseinschtrumänt, Dichtemässgräät, Refraktomeeter oder Schpektromeeter. Übrigens: Au für Farmatranspört nach GDP simer siit villne Jaare kwalifiziärt.

Didschital Säinidsch

Digitaali Läitsischteem und Bildschirm halted i villne Beriich Iizuug: i Groossruumbüro, als Orientiärigshilfe i öffentliche Gebäude, i de Schaufänschter vo moderne Detäilischte oder siit Jüngschtem als mobiili Imformazioonssischteem zu de Covid-19-Schutzsituazioon im Supermäärt. Mir bringed d Gräät, hänkeds uuf, verschruubeds uf em Sockel oder im Bode und macheds paraad für d Aabindig a d Huus-ÄiTii.

Therapii und Rehabilitazioon

Im Gsundhäitswäse chunnt i de Therapii und i de Rehabilitazioon äiniges a Gräät und Mobiliaar zum Iisazz: Muskelträningsmaschine, Apperäät für Indukzioons- und Leisertherapiiä, Gräät für Liächt-, Magneetfäld- oder Churzwäletherapiiä, motorisiärti Schpitaalbetter, Biischtelltisch, Chäschte und viles mee. Diä Apperatuure und Mööbel schteled mir punktgnau uuf und trimed Sii fitt fürd Inbetriibnaam.

Cliining-Technik

I dem Täilmäärt kümmered mir öis um induschtrielli Cliiningmaschine für Schpitääler, Hotel, Senioorezäntre oder Pfläghäim. Dezue ghööred professionelli Abwäschmaschine oder Wöschmaschine für di huusinterni Chuchi oder Wöscherei. Mir lifered d Gräät aa, schteleds am Verwändigsort uuf und nämed de Wasseraaschluss voor.

Verchaufsautomaate

Inere kontaktloose Ziit lauft äiniges kontaktloos, also automaatisch. So au de Verchauf vo Snäcks, Läbesmittel oder Tickets a Baanhööf und guet frekwentiärte Standort. Mir lifered Nöigräät zentimeetergnau uus und nämed Reparatuurgräät zrugg.

Aatomeited Teller Maschiins (ATM)

Baargäld wird nöd sälte vo Robotter ghandhabt. Bankomaate sind am hüüfigschte bekannt, Gäldriissäiclerschtele und Gäldiizalautomaate e bitz sältener. Für öis Häiend-Logischtiker ghööred si ali zu öisem bruefliche Alltaag.

Riitäil und Ii-Komerss

Bim Poschte sind vili Gräät im Schpiil: Selfscääningschtazioone, Fotientwickligsautomaate, Onläin-Briäfchäschte als Pick-ap-Points, nur zum es paar devoo näne. Mir sind d Profis, vo diä Apperäät sicher an Ort und Schtell bringed und si nomal so sicher mit em Bode oder em Fundamänt verschruubed.

Energiiversoorgig

Wer underwäx isch, bruucht Energii. Wer mit em Blick für d Naachhaltigkäit underwäx isch, bruucht Schtroom. I dem Määrtsegmänt kümmered mer öis um de Transport, d Verankerig und Beräitschtelig vo Betankigsaalage für Elektromobiil und Ii-Bäiks a Hotel, Tankschtele oder öffentliche Plätz.

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Mee Vortäil, mee Wert

I de HäiTech-Logischtik verfüeged mer über mee als 25 Jaar Erfaarig; im Transport sinds meereri Generazioone.

Mir schteled Ine topp uusbildeti HäiTech-Logischtiker und en öiroopawiits Netzwerch zur Siite.

I de ganze Schwiiz simer mit Laagerfläche und äigne Transportschtandort bi Ine i de Nööchi.

Für Iri hoochsensiiblen Aalaage simer mit hoochmoderne Schpeziaalfaarzüüg underwäx.

Als erfaareni Rollaut-Schpezialischte richted mer jedes Jaar Tuusigi vo Gräät ii.

Mir übernämed sogaar di umwältgrächti Entsoorgig vo Disks, alte Gräät und Verpackigsmateriaal.

Als langjähriger Partner von Planzer schätzen wir vor allem die offene und speditive Kommunikation, die hohe Verlässlichkeit und dass immer eine Lösung gefunden wird - egal wie knifflig das Anliegen anfangs ist.

René Varela Verantwortlicher Energiesysteme, Jungheinrich AG Schweiz
René

Ihr Ansprechpartner

Heinz Wiedemeier
Heinz Wiedemeier Mitgliid vode Gschäftsleitig
Leiter Planzer Homeservice
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop