Planzer-Farmalogischtik mit GDP/GMP-Komformitäät: gschiid und effiziänt

Di hööch Kunscht vo de hööche Schpezialisiärig: Farmalogischtik

I dem Schlüsselsektoor hät d Logischtik en zentraale Schtelewert. Si isch nöd nur en sträng reguliärte Täil vo Irere Wertschöpfig, sondern au en üsserscht choschtewürksaame Beriich. Mir händ öis uf d Farmalogischtik schpezialisiärt und käned di bsundere Aaforderige vo GDP/GMP/GxP, Swissmedic und andere Inschtanze. Im Raame vo de Laagerlogischtik nämed mer au Muschterzüüg voor, erbringed e Räie vo GMP-Zuesazzdienschtläischtige und wickled aggregiärti oder schpezialisiärti Farmasändigen ab – zum Bischpiil für de Luftfrachtvercheer.

Läischtige mit em gwüssen Äxtra

Farmatranspört

Öb als Päckli- oder Stückguetliferig, mir übernämed für Sii d Vertäilig vo Medikamänt i de Klassen A, B, D und E, Äinwäägartikel für di mediziinisch Pflääg und Hügieene, widerverwändbaars Pflägemateriaal, chirurgischi Inschtrumänt und Sterilisazioonsmateriaal i Schpitääler, Schpeziaalkliinike, Praxe, Häim, Apiteegge, Drogeriiä, Reformhüüser, Laboor und sogar an Paziänt.

GDP/GMP-Komformitäät

D «Guud Distribiuuschen Präctiss of medissinäl products for hiuumen iuuss» (GDP) – uf Düütsch «gueti Vertriibspraxis vo Humaanarzneimittel» — sött Iri Vertriibschette kontroliäre und d Kwalitäät und d Unverseerthäit vo Irne Arzneimittel sicherschtele. Under de «Guud Mäniufääctering Präctiss» (GMP) verschtaat mer di «gueti Herschteligspraxis für Arzneimittel». Diä internazionaale Regelwerch regled under anderem d Aaforderige ad Hügieene, Rüümlichkäite, Uusrüschtig, Dokumentazioon und Kontrole, wo mir i Irem Uuftraag erfüled. Öisi Transport– und Laagerlogischtik für Farma und Helthcäär-Produkt isch 100%-ig GDP/GMP-konform und cha sämtlichi Zertifikaat voorlegge, wo Si verlanged. Läsed Si mee über öisi Farmatranspört nach de GDP-Läitlinie.

Laagerdienschtläischtige

Für Iri Farma- und Helthcäär-Produkt hämer e groossi Zaal a Laagerlogischtikdienschtläischtige für Sii beräit. Allne gmeinsaam isch d Sicherhäit und d Kwalitäät bäi Planzer.

Waareniigang/Waarenuusgang
Mir schteled e kompromissloosi Waareniigangs- und Waarenuusgangskontrole nach Irne Prüefkriteeriä als Herschteller oder Händler sicher. Dezue ghört d Kontrole vo de Faarzüüg und de Produkt und iri daatesiitig Erfassig.

Laagerig
Für Arzneimittel und Schterilisazioonsmateriaal schteled mir für d Laagerig di GDP-konforme Tämperatuurberiich Ämbiänt und Küül beräit. Für Betöibigsmittel (Narcotics) gälted äigni Sicherhäitsbeschtimige wo mer au luggeloos iihalted.

Komissioniärig
Im Pick-bäi-Scän-Aasatz komissioniäred mer Iri Waare empfängergerächt. Das häisst soo, dass si uf de Chrankeschtazioon diräkt chönd iigsezzt werde. Mir wickled aggregiärti Sändigen ab und beschaffed wo immer nöötig s entschprächende Verbruuchsmateriaal.

Komfäkzioniärig
Iri (Verchaufs-)Verpackige packed mer um oder appliziäred di gwünschte Etiggette. Churz: Mir komfäkzioniäreds.

Versandvoorberäitig
Sobald de Sändigsuuftraag bi öis iigangen isch, schteled mer Iri Farma- und Helthcäär-Produkt für de Versand beräit, segs uf Palett, Mediziinwäge, Rolis, i Boxe oder als Päckli.

Väliu-äädid Servissis

Zu de GMP-Zuesazzläischtige zeled mer zum Bischpiil Umpackaarbäite, Etiggettiärige, Umettiggettiäre, Chliischarschebildig oder s Dätalogger-Händling, vo de Komfigurazioon über d Entnaam bis zum Uusläse vo de Logger. Au i dä Beriich ghöört di technisch Inschpekzioon vo Inschtrumänt, s Beräitschtele vo Rolis für d Etaasche oder d Montaasch vo OP-Kitts. Übrigens füered mer für e kantonaals Schterilisazioonszäntrum a sibe Tääg i de Wuche de Shuttle dure.

Distribiuuschen

Farma- und Helthcäär-Produkt räised us Ziitgründ oft uf em Luftwääg aa oder ab. Für dä Vercheersträäger gälted bsunderi Regeligä und Schtänderds. Da schiäbed mer für Sii öisi Expertiise im internazionaale Transport und mit Luftfrachtersazzvercheer aa. Für Farmatranspört uf de Schtraass halted mer öis kompromissloos a di gältende GDP-Läitlinie.

Rötuuremänätschment

I de Farmainduschtrii gälted bsunders schträngi Reglä für de koräkti Umgang mit Rötuure, segeds Liferhilfsmittel oder Waare. Mit em Wüsse vo öisne Farmalogischtiker und mit nöischte Technologiiä wickled mer Iri Rötuure exakt nach Irne Schtänderdvoorgeeä (SOP) ab.

Entsoorgig

Wo Arzneimittel müend vernichtet werde, nämed mer d Entsoorgig kontroliärt und sachgerächt voor.

Verzolige

S Farma- und Helthcäär-Gschäft kännt natuurgemääss kä Landesgränze. Drum kümmered mir öis für Sii um d Verzolig vo Irne Produkt und nämed Ine s Chliidruckte vo de Zollbehöörde ab. Erfaared Si mee über öisi Best Präctiss mit Verzolige.

Hööchschti Sicherhäit

De Zuegang zu Farmalaager wird schträng greglet und schpeziell überwacht. Di füüsisch Sicherhäit vo öisne Laagerschtandort erfüllt sämtlichi Ständerds ad Presänz vo Farma- und Helthcäär-Produkt. Für di laufende Kontrolä und d Überwachig vo öisne Gebäude und öisere Informaatiklandschaft hämer pro Schtandort en Piggedienscht etabliärt.

Swissmedic Bewiligungä

Sötti Ires Produkt e Swissmedic-Bewiligung für d Transport- und d Laagerlogischtik erforderä, holed mer diä ii. Demit verbunde sind regelmäässigi Überprüefige und e detäignaui Brichterschtattig.

Muschterzuug

Mir ziänd Muschter und prüefed bi de Waarenaanaam schtichproobemäässig, öb d Farma- und d Helthcäär-Produkt di schtränge Voorgaaben erfüled. Erscht dänn gämer d Sändige für di wiiteren Etappe i de Farmalogischtikchette frei.

Zruggverfolgbaarkäit

Rund 10% vo de Medikamänt wältwiit im Umlauf sind gmääss Schezzige gfälscht. Dä Betruug isch nur bin ere luggehafte Logischtikchette mögli. Drum garaniäred mer di hundertprozäntig Zruggverfolgbaarkäit vo Irnen Artikel und Scharsche vom Waareniigang bi öis bis zum Grossischt oder Ändchund.

Daatebewegig, Dokumentazioon und Archiviärig
Mir zäichned d Daate rund um Iri Sändige umfassend uuf und legged d Schlüsseldokumänt i öisnen elektroonischen Archiiv ab. Jedi Aktivitäät isch mit eme gnaue Daatum und de exakte Ziit versee. Dä Daatefluss zu Irne Farma- und Helthcäär-Produkt bliibt für Sii rund um d Uur iisee- und verfüegbaar.

Ssiiriel Schipping Konteiner Cood SSCC
De SSCC – d Nummere vo de Versandäinhäit – isch e wältwiit äidüütigi und äimaaligi 18-schteligi Nummere für d Identifiziärig vonere Versandäinhäit wiän en Konteiner, es Palett oder es Päckli. Dass mir SSCC chönd uusschtele, verfüeged mer über en entschprächendi Lizänz vo GS1 Schwiiz.

Palettidentifikazioon PID
Bim Waareniigang erfassed mer jedi Liferig mit eme mobiile Daatenerfassigsgräät. Jedes als koräkt befundne Palett chunnt en Iilaageretiggette über, di sogenannti Palettidentifikazioon oder PID. Dere ID ordned mer sämtlichi laagerschpeziifische Daate wi d Loosnummere, s Verfalldaatum, Mänge und SSCC zue.

Serialisiärig und Aggregiärig
I de Farmalogischtik griift di normaal Zruggverfolgbaarkäit uf Scharschen oder Palettebäni mäischtens z churz. D Produkt werded bis uf d Konsumäntenäinhäit mit ere Seriiänummere versee. Dass de logistisch Prozäss trotz de Daatefluet für Sii überschaubaar bliibt, aggregiäred mer d Äinhäite jewiils uf de nächschthööcheren Ebäni. Schteled mer en Abwiichig zwüsched öisne Serialisiärigs- und Irnen ERP-Daate fescht, wird d Waar automaatisch blockiärt, bis de Sachverhalt gchläärt isch. Soo bliibt di ganz Liferchette für Sii maximaal transparänt.

Zruggverfolgbaarkäitsteschts
A sämtliche Laagerschtandort mit Läbesmittel oder Farmaprodukt füered mer äimaal pro Jaar en Zruggverfolgbaarkäitstescht dure. Mir prüefed schträng und umfassend, öb mer öises Verschpräche naach wi voor iihalted.

Galenica und Planzer gründen Joint Venture

Unter dem Namen Health Supply AG haben wir und Galenica das grösste Gesundheitslogistiknetzwerk der Schweiz aus der Taufe gehoben. Damit vereinen wir die Netzwerkkompetenz von Galenica und unsere Logistikexpertise unter einem Dach. Das Resultat: Integrierte Gesamtlösungen für eine der wichtigsten Schweizer Versorgungsbranchen.

14.12.2023

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

mehr erfaahre