De Läbesmittelmäärt isch äine vo de bedüütendschte Wirtschaftszwiig i de Schwiiz. Als Läbesmittelherschteller oder -händler beschäftiget Sii s volatiile Naachfraageverhalte, di zuenämende Liferfrekwänze, e schtiigendi Sortimäntsbräiti, knappi Logischtikflächene, d Verderblichkäit vo de Waare und schträngi gsetzlichi Voorschrifte wi HACCP. Voor dem Hindergrund und im Konteggscht vom extreem hööche Choschtedruck hät d Logischtik als Wettbewerbsfaktoor e hööchi Bedüütig. Daa chömed mir als Fuudlogischtiker uf de Plaan.

Läischtige vom Fäinschte

Laagerlogischtik

Für Iri Läbesmittel hämer e groossi Zaal a Laagerlogischtikdienschtläischtige für Sii beräit. Alne gmeinsaam isch d Komformitäät mit Irem Pflichteheft, de gsetzliche Beschtimige wi HACCP und de Sicherhäit bäi Planzer.

Waareniigang/Waarenuusgang

Mir schteled e kompromissloosi Waareniigangs- und Waarenuusgangskontrole nach Irne Prüefkriteeriä als Herschteller oder Händler sicher. Dezue ghöört d Kontrole vo de Faarzüüg und Produkt ebesoo wiä iri daatesiitigi Erfassig.

Laagerig

Mir schteled sämtlichi Laager­forme und d Tämperatuur­beräich Ämbiänt und Küül beräit. Läsed Si daa mee über öisi Laager­logischtik­dienscht­läischtige.

Komissioniärig

Iri Waare komissioniäred mer empfängergerächt. Das häisst soo, dass si am POS diräkt chönd iigsezzt werde. Wo immer nöötig beschaffed mer s entschprächende Verbruuchsmateriaal, zum Bischpiil für Displeis oder Topper.

Komfäkzioniärig

Iri (Verchaufs-)Verpackige packed mer um oder appliziäred di gwünschte Etiggette. Churz: Mir komfäkzioniäreds.

Versandvoorberäitig

Sobald de Sändigsuuftraag bi öis iigangen isch, schteled mer Iri Läbesmittel i de passende Versandform für de Wiitertransport beräit.

HACCP

Wer wi miir täglich mit de Logischtik vo Läbesmittel ztue hät, chunnt nöd um d Gfaarenanalüüse und di kritische Kontrollpünkt (HACCP) ume. Öisi Laager sind nach HACCP-Richtliniä uusgläit. Für jede nöi Chund nämed mer e Risikoanalüüse gmäss HACCP-Konzept voor und füered zwäi Maal im Jaar en HACCP-Rundgang dure. Usserdem werded di HACCP- reschp. GDP-relevante Sischteem wi Tämperatuur-Monitooring und Pest Kontrool i regelmäässigen Abschtänd überprüeft und wänn nöötig kalibriärt.

Väliu-äädid Servissis

Für Meerwertdienscht bruuchts no mee Chöne. Au das dörfed Si vo öis erwaarte. Zu öisne Väliu-äädid Servissis zeled mer zum Bischpiil Umpackaarbäite, Etiggettiärige, Umettiggettiäre, Chliischarschebildig oder s Dätalogger-Händling, vo de Komfigurazioon über d Entnaam bis zum Uusläse vo de Logger.

Distribiuuschen

Displeis und anderi Sändige sind mäischtens an en Lifertermiin bunde. Sobald si versandfertig sind, bringed mer gröösseri Täil im Stückguettransport diräkt id Läde vom Detäilhandel. Chliini Päckli roled mit de Schpezialischte vo öisem Päckliserviss uus.

Chundeportaal

I öisem webbasiärte Chundeportaal hämer sämtlichi elektroonische Diänscht us Laager- und Transportlogistik wiä Uuftraagserfassig, Laagerbeschtandsübersicht, Sändigsverfolgig und mee für Sii zämegfüert.

Träck & Treiss
Da demit verfolged Si Iri Stückguet-, Nacht-, Houmserviss- und Päcklisändige kwasi in Ächtziit. Will mir ab em Waareniigang jedere Versandäinhäit en elektroonischi Fuessfessle aalegged. So wüssed Si immer ganz genau, wo Iri Sändig underwäx isch. Sobald mir si uusgliferet händ, schtaat d Uusliferigsbeschtäätigung spöötischtens drüü Minuute nach de Underschrift vom Empfänger als PDF für Sii beräit. Usserdem chönd Si di automaatische Benaachrichtigunge de Bedürfnis vo Irne Chunde aapasse.

TransNet
Mit dere Äpp bewirtschafted Si Iri Transportuufträäg schnäll und sicher. Si erfassed si diräkt im Sischteem oder mutiäred wichtigi Eggdaate wiä Empfänger-Inschtrukzioone, Liferziit oder d Art vo de Waar. Sämtlichi Daate vo aktuelle Uufträäg bliibed schtändig erhalte und für Sii jederziit iiseebaar.

LogNet
So häisst öises wäbbasierte Laagerlogischtiktuul für Gschäfts- und Privaatchunde. Daa erfassed Si Bschtelige, Konfäkzionierigs- und Kommissionieruuftääg, verwalted Iri Artikelschtammdaate, lueged in Ire Beschtand, verwalted Sperrschtaatus und chönd Liferschii oder Rächnigsbiilaage aaluege und exportiäre. Sämtlichi Dokumänt über Iri Laagergüeter sind bi öis elektronisch archiviärt.

Login

Is Chundeportaal iilogge
Demoversioon aaluäge

Händ Si no käs Login zu öisem Chundeportaal? Iri Aaschprächpersoon hilft Ine gern wiiter.

Automaatischi Daateüberträägig

Überen elektroonischi Daateschnittschtell (EDI) verbindt öisi ÄiTii-Abtäilig Iri ERP-Softwäär mit öisem Transport- oder Laagerlogistiksischteem – oder sogar mit bäidem. So schteled mir sicher, dass ali transportrelevante Daate wiä Absänder und Empfänger, Waarenart, Schtuckzaal, Verpackig, Bruttogwicht, Abmässige oder ali für d Laagerlogistik wichtige Aagaabe wiä Artikelschtammdaate, Produktionsuuftraag, Schtuckliischte, Chundenuuftraag, Schtaatusbuächige oder Rötuurehändling mit Irne ERP-Daate überäinschtimed. Falls Si käi EDI-Schnittschtelle wünsched, chönd Si Iri Uufträäg manuell i öisem Chundeportaal erfasse.

Mee Vortäil, mee Wert

Iri Fuudlogischtiklöösig gaat bi öis mit de Ziit und de gsetzlichen Entwicklige.

Mit öisne schlanke Prozäss, erfaarene Profis, ere schwiizwiite Imfraschtruktuur und modernschte Faarzüüg professionalisiäred Si Iri Fuudlogischtik.

Mit jedem Läbesmittelchund wachst öisi Erfaarig und Ire Meerwert.

Mir nämed Ine so mängi adminischtratiiv Täätigkäit und leschtig Archiviärigspflicht ab.

Dank öisne Ii-Tuuls isch Iri Beschtandsfüerig jederziit aktuell und koräkt. Usserdem profitiäred Si vom Parallelfluss vo Daate und Waare.

Effizient und professionell begleitet, erfolgte vor rund 10 Jahren die Integration unserer Kommissionierungs- und Speditionsprozesse ins «Planzer-Universum». Mittels einer vollumfänglichen digitalen Verknüpfung der relevanten Daten. Seither partizipieren wir an der stetigen Weiterentwicklung seitens Planzer und können uns fokussiert auf unsere Kernprozesse konzentrieren.

Thomas Leitner Maestrani Schweizer Schokoladen AG
Thomas

Ire Aaschprächpartner

Patrik Meier
Patrik Meier Mitgliid vode Gschäftsleitig
Leiter Laagerlogischtik
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop