D’Kommissioniärig ghört ebefalls zu de Schlüsseluufgabe i de Laagerlogischtik. Deet trägemer alles zäme, was im Iichaufswägeli vo Irne Empfänger ligge söll. Öisi Picker wääled das Kommissioniärigsverfaare, wo am beschte zum Laagerverfaare und zu Irem Uftrag passt: FEFO, FIFO, LIFO, HIFO, LOFO, Pick-bäi-Läit, Pick-bäi-Skän, Waare-zum-Maa.

Läischtige mit Schoppingalüüre

Beleegloses Kommissioniäre

A all öisne Standört mit Laagerlogischtik-Dienschtläischtige kommissioniäremer für Gschäfts- und Privaatliferige beleeglos mit Pick-bäi-Skän. Je nach Voluume und Sändigswicht machemer d’Kommissioniärig äi- oder zwäistufig. Und je nach Aaforderige füereme Kwalitäätstschecks wääretem Kommissioniärigsvorgang dure. D’Inventuur wird rolend erschtellt, d’Seriienummere laufend erfasst.

Först Ixpäierd, Först Aut (FEFO)

Bi dem Laagerprinzip laageremer die Waar mit em früeschte Ablaufdaatum als Erschts uus. Mir wändeds bi verderbliche Laageräinhäite wie Läbesmittel oder Arznäimittel aa, wo s’Mindeschthaltbarkäitsdaatum als entschäidends Kriteerim für d’Laaagerig gilt.

Först In, Först Aut (FIFO)

Bi dem Verfaare werded Artikel, wo zerscht iiglaageret worde sind, au zerscht entnoo. Das chunt zum Biischpil im Durchlaufregallaager zur Aawändig.

Pick-bäi-Skän

Bim Pick-bäi-Skän kommissioniäremer beleeglos mit emene mobiile Daateerfassigsgrät (MDE). Das ersetzt di klassisch Kommissioniärlischte in Papiirform. D’Uftragsdaate werded entweder lokaal vorhalte oder über WLAN vom Laagerverwaltungssischteem zur Verfüegig gschtellt. So reduzieremer de Aatäil unproduktiivi Ziit bim Kommissioniärvorgang.

Waar-zum-Maa

Bi de automatisierte Laagerlogischtik erfolgt d’Beräitschtellig vo de Waar dünamisch und automatisiert. Iri Artikel werded in Behälter oder uf Plette über modernschti Fördertecnik diräkt zum Kommissioniärer gfüert. Mir underhalted Kommissioniärplätz für d’Äinzel- und d’Laagerkommissioniärig. Aaprochni Palette laageremer natürli wider i öisem Hochregaallaager ii.

Pick-bäi-Läit

Das Verfaare isch nüd persoonebunde und i öisne Ersatztäillaager üeblich. Äi Aazäig im Regaal zäigt über Liechtsignaal a jedem Laagerplatz aa, weli Posizioone für de jewiiligi Uftrag z^picke sind. E Ziffereaazäig benännt d’Mängi vo de Täil; über e Kwittiertaschte beschtätigt de Picker d’Entnaam.

Pick-bäi-Vischen

Bi dem Kommissioniärverfaare stellt de Kommissioniärer mit Hilf vonere Daatebrüle d’Artikel oder Güeter für Chunde- oder Produkzioonsuufträäg zäme. Die Smaartglaassis versorgeden uf sim Rundgang mit Informazioone zum jewiilige Uftrag. Die Brüle zäigt im zudem aa, i welem Regaal oder uf welere Palette sich en Artikel befindet. Die Technologii isch zurziit no in Entwicklig.

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Mee Vortäil, mee Wert

Mit de Effiziänz vo öisne Kommissioniärdienschtläischtige optimiered Si Iri Logischtikchöschte.

S’Nou-hau vo öisne Kommissioniärer wachst mit jedem nöie Chund – dadevoo profitiered au Si.

Mir bündled Iri Artikel uf äin Taag und äin Empfänger.

Um öisi Kommissioniärläischtig in e Höchschtläischtig z’verwandle, hämmer öisi Behälter- und Waar-zum-Maa-Laagerinfraschtruktuur sälber konzipiert.

Die langfristige und partnerschaftliche Zusammenarbeit mit einer kontinuierlichen Weiterentwicklung schätzen wir sehr. Dank einem zuverlässigen und strukturierten Aufbau der Lagerlogistik ist bei Volumenschwankungen eine grosse Flexibilität im Wareneingang sowie in der Kommissionierung vorhanden, was uns viele Vorteile bringt.

Michael Eser Pacovis AG
Michael

Ire Asprächpartner

Patrik Meier
Patrik Meier Mitgliid vode Gschäftsleitig
Leiter Laagerlogischtik
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop