Mir Mänsche woned hüt nöd nur i öisne viär Wänd. De Usseberiich günnt als Läbeszoone a Bedüütig. Sottige Chunde büüted Si e Räie vo Gräät, Aalaage und Mööbel – und mir di passend Logischtik dezue. Mir laagered und lifered hööchwertigi Grillmaargge, Gaartelaunschis, Wörlpuuls, Schpiilburge, Palme, Schtore, Raseroboter oder Boumateriaal. Und Tresoore. Was Si au immer verchaufed, mir soorged defüür, dass Iri Privaat- oder Gschäftsempfänger sich vo de Uusliferig aa drüber fröied.

Läischtige mit Frischluftkick

Aalifere

Iri Huus- und Gaarteniirichtige lifered mir mit de aagmässne Sicherhäit zu Irem Empfänger. Mir underschäided zwüschet Randschtäi und Verwändigsort. S Letschtere isch i de mäischte Fäll de Gaarte vo Irem Chund, chan aber gern au en Schpiilplatz sii. Wichtig isch, dass Ire Chund diä Liferopzioon kännt, wo Si uusgwäält händ.

Voor-Ort-Serviss

Uuspacke
Iri Gräät packed mer voor Ort uus und nämed ales Verpackigsmateriaal für di sachgerächt Entsoorgig wider mit.

Montaasch/Funkzioonskontrole
Je nach Wunsch schteled mer d Gräät, d Mööbel oder anderi Waaren uuf, schruubeds zäme, füered e Funkzioonskontrole dure und macheds paraad für e diräkti Inbetriibnaam. Allerdings nämed mir weder d Komfigurazioon vo de Iischtelige no e Schuelig vo de Aawänder voor.

Grobräinigung/Abnaam
Wills bim Transport und Montiäre immer Schtaub git, nämed mer e Grobräinigung voor, gänd e Churzinschtrukzioon und lönd s Gräät vo Irem Empfänger abnää.

Voorhole und (zwüsche-)laagere

Di nazionaal und internazionaal Voorholig dörfed Si ebefalls gern öis überträäge. Sobalds scho mal i öisne Laager aachoo sind, chömer Iri Iirichtigsgägeschtänd für Sii ii- oder zwüschlaagere. Dank öisem flächedeckende Netzwerch i de ganze Schwiiz simer schnäll diräkt i de Nööchi vo Irem Ändchund.

Tresoore

Mööbeltresoore, Panzerschränk,Gschäftstresoore, Chliimööbeltresoore oder Tresoore zum Iimuure sind schwer und erfordered en bsundere Umgang bim Transport und bi de Aaliferig. Drum simer für dää Määrt mit Schpeziaalekwipment und äxtra für daas uusbildete Mitarbäitende underwäx. Das sötted Si wüsse: Mir nämed kä Programmiärige oder Sicherhäitstscheggs vo Tresoore vor.

Alti Gräät

Als Opzioon demontiäred mer di vorhandene alte Gräät, nämeds mit und füereds de fachgrächte Entsoorgig zue.

Rötuure

Guet mögli, dass öppis falsch uusgliferet worden isch oder Ire Chund öppis falsch bschtellt hät. Grad mit em Ii-Komerss – egaal öb e chliises Päckli oder Stückgüeter – sind Rötuure e groosses Theema. Mir übernämed für Sii s Händling vo plaante und unplaante Rötuure. Si laufed dur de gsamti standardisiärti und kontrolliärti Prozäss, au dur dää vo öisere Laagerlogischtik – und demit dur dää vo öisere Kwalitäätssicherig.

Serviss als Erläbniss

Nach de Bschtelig schtaat d Liferig für de Privaat- oder Gschäftsempfänger im Mittelpunkt. Grad bi Fitnessgräät, wo dihäi oder im Schtudio ((sollte das nicht Gartenmöbel oder so heissen?)) oft zuesäzzlichi Servissis wiä de Uufbou und s Zruggnää vo de Verpackig voorgseend. Mit de Web-Äpp vo öisem Houmserviss gnüüssed Iri Privaat- und Gschäftschunde Äxtras wiä Onläin-Termiinwaal, Sändigsaachündigung mit Läiv-Träcking und viles mee. Bi Fraage hilft öise zentraal Chundediänscht gern wiiter.

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Mee Vortäil, mee Wert

Sii gschtalted Iri Fixchoschte i de Liferchette und im Laager variaabel, will Si nur zaled, was Si in Aaschpruch nämed.

Mit öisne toppmotiviärte Mitarbäitende und ere Steit-of-di-Aart-Softwäär für Houmserviss-Dienschtläischtige schteled mer e maximaal positiivs Ändchundenerläbnis sicher.

Das schafft Vertroue und zallt sich für Ires Undernäme meerfach uus.

Falls gwünscht, soorged mir über elektroonischi Daateschnittschtele (EDI) für e naatloosi Aabindig von Irne ERP a öises Sischteem. Dur das entfallt di manuell Sändigserfassig, will d Daate automaatisch übermittlet werded.

Falls Si kä EDI-Schnittschtell wünsched, erfassed Si i öisem Chundeportaal nöii Sändigsuufträäg, laded di digitaal underschribne Liferschii abe und viles mee; jederziit und von überall uus.

Für Sii roled Planzer-äigni Faarerine und Faarer uus, wo mir i öisne huusäigne Uusbildigszäntre gschuelt händ.

Diä bediäned Iri Empfänger i de entschprächende Landesschpraach und mäischtens sogaar im passende Dialäkt.

Ändchunde gänd öisem Houmserviss erfröilich gueti Reiting-Noote.

After-Sales-Dienstleistungen gewinnen enorm an Bedeutung. Mit dem technologisch unterstützten Lieferprozess und der Zentrale für Kundenanliegen erspart uns Planzer unnötige Anrufe und Komplikationen.

Pasquale Scarfo Key Account Manager & Leiter E-Commerce, Weber-Stephen Schweiz GmbH

Ihr Ansprechpartner

Heinz Wiedemeier
Heinz Wiedemeier Mitgliid vode Gschäftsleitig
Leiter Planzer Homeservice
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop