De sicher Umgang mit Daate isch öis wichtig. Drum widmed mir im en äiges Kapitel. Da erfaared Si mee über d’Nutzig, Sicherig und Archiviärig vo Daate uf dere Websäit, über öisi Daateschutzerchläärig und di Mitwürkende am voorligende Onläin-Uuftritt. Falls Si Fraage oder Aamerkige zu Inhält, Bilder oder Videoklipps uf dere Websäit händ, wänded Si sich a öisi Meediäverantwortliche oder schriibed Si es Ii-Meil a info@planzer.ch.

Diä Websäit dient de Imformazioon von Chunde und Interessänte. De Zuegriff uf diä Websäit, iri Nutzig und d’Sicherig oder Archiviärig vo de übermittlete Daate werded nöd garantiärt. Mir übernämed kä Gwäär für di inhaltlichi Richtigkäit, Gnauigkäit, Aktualitäät, Zueverlässigkäit und Vollschtändigkäit vo de Imformazioone. Wiiter übernämed mir kä Haftig oder Verantwortig für allfäligi Irrtümer, Fääler und Folge us de Verwändig vo de Websäit.

I Biiträg, wo mit Name kännzäichnet sind, wird d’Mäinig vo de Autoore verträtte. Diä entspricht nöd unbedingt de vorherrschende Mäinig im Undernäme.

Mir leened jeglichi Verantwortig für de Inhalt und d’Iihaltig vo gsetzliche Daateschutzbeschtimige dur d’Betriiber vo verlinkte Websäits vo Dritte ab.

Diä Websäit und di uf dere Websäit zur Verfüegig gschtellte Inhält sind uurheberrächtlich gschützt, wänn nüüt Gägetäiligs vermerkt isch. Für d’Reprodukzioon vo allne Elemänt mues mer di schriftlich Zueschtimig vo de Uurheberrächtsträger im Voorus iihole. Au jedi Verwändig vom Inhalt vo dere Websäit für öffentlichi oder kommerzielli Zwäck isch ooni vorhärigi schriftlichi Zueschtimig undersäit. Für en Link uf diä Websäit mues ebefalls e schriftlichi Zueschtimig iigholt werde.

Daateschutz

Mee über öise Umgang mit persöönliche Daate läsed Si i öisere Daateschutzerchläärig.

Öisi Websäit nutzt d‘Zellpixeltechnologii vo de WiredMinds GmbH (www.wiredminds.de) für d‘ Analüüse vom Bsuecherverhalte. Dadebii wird d‘IP-Adrässe vomene Bsuecher verarbäitet. D‘Verarbäitig passiert uusschlüüslich zum Zwäck, firmerelevanti Informazioone wie z. B. de Undernähmesname z‘erhebe. IP-Adrässe vo natüürliche Persoone werded vonere wiitere Verwändig uusgschlosse (Wäitlist-Verfaare). E Späicherig vo de IP-Adrässe in LeadLab passiert nöd. Bi de Verarbäitig vo de Daate isch es i öisem bsundere Inträsse, d‘Daateschutzrächt vo natüürliche Persoone z‘waare. Öises Inträsse stützt sich uf Art. 6 Abs. 1 lit. (f) DSGVO. Die vo öis erhobene Daate lönd zu käinere Ziit en Rückschluss uf e identifizierbaari Persoon zu. D‘WiredMinds GmbH nutzt die Informazioone, um anonmüümi Nutzigsprofiil, bezoge ufs Bsuecherverhalte uf öisere Websäit, z‘erschtele. Di gwunene Daate werded nüd benutzt, um de Bsuecher vo öisere Websäit persöönlich z‘identifiziäre. Vom Träcking uusschlüüsse

Experten am Werch

Ales, usser Tegscht
Planzer Transport AG, Dietikon
marketing@planzer.ch

Tegscht
Sara Meier (merssi, Sara!)
dietexterin.ch

Iren Aaschprächpartner

Jan Pfenninger
Jan Pfenninger Mitgliid erw. Gschäftsleitig
Leiter Marketing & Kommunikation
Adrässe

Planzer Transport AG
Lerzensrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop