Mööbelserviss, @houm, 2-Mann-Händling, Homedelivery, Häimliferdienscht – wi Sis au immer näned, mir laagered und lifered Iri Mööbel zu Irem Chund häi oder is Büro und soorged für 360° Zfridehäit und maximaali Kwalitäät. Öb für d Schlaafzimmergarnituur, d Woonzimmeriirichtig oder Bürotisch: Mir schicked gschuelti Mitarbäitendi loos, wo Iri Privaat- oder Gschäftsempfänger überall i de Schwiiz und erscht no i de passende Landesschpraach bediäned.

Läischtige wo hervoorraagend aachömed.

Aalifere

Iri Mööbel lifered mir mit de aagmässne Sicherhäit zu Irem Empfänger. Mir underschäided zwüschet Randschtäi und Verwändigsort. S Letschtere isch i de mäischte Fäll d Wonig vo Irem Chund, chan aber gern au e Hotelchuchi oder e Länscherii sii. Wichtig isch, dass Ire Chund diä Liferopzioon kännt, wo Si uusgwäält händ. Übrigens: Für chliineri Äinhäite wiä Ersazztäili nuzzed Si ganz äifach öise Päckliserviss.

Voor-Ort-Serviss

Uuspacke
Iri Gräät packed mer voor Ort uus und nämed ales Verpackigsmateriaal für di sachgerächt Entsoorgig wider mit.

Montaasch/Funkzioonskontrole
Je nach Wunsch schteled mer d Gräät uuf, schruubeds zäme, füered e Funkzioonskontrole dure und macheds paraad für e diräkti Inbetriibnaam. Allerdings nämed mir weder d Komfigurazioon vo de Iischtelige no e Schuelig vo de Aawänder voor.

Grobräinigung/Abnaam
Wills bim Transport und Montiäre immer Schtaub git, nämed mer e Grobräinigung voor, gänd e Churzinschtrukzioon und lönd s Gräät vo Irem Empfänger abnää.

Voorhole und (zwüsche-)laagere

Di nazionaal und internazionaal Voorholig dörfed Si ebefalls gern öis überträäge. Sobalds scho mal i öisne Laager aachoo sind, chömer Iri Wiisswaare für Sii ii- oder zwüschlaagere. Dank öisem flächedeckende Netzwerch i de ganze Schwiiz simer schnäll diräkt i de Nööchi vo Irem Ändchund.

bruuchti Mööbel

Als Opzioon demontiäred mer di vorhandene alte Mööbel, nämeds mit und füereds de fachgrächte Entsoorgig zue.

Rötuure

Guet mögli, dass öppis falsch uusgliferet worden isch oder Ire Chund öppis falsch bschtellt hät. Grad mit em Ii-Komerss – egaal öb e chliises Päckli oder Stückgüeter – sind Rötuure e groosses Theema. Mir übernämed für Sii s Händling vo plaante und unplaante Rötuure. Si laufed dur de gsamti standardisiärti und kontrolliärti Prozäss, au dur dää vo öisere Laagerlogischtik – und demit dur dää vo öisere Kwalitäätssicherig.

Serviss als Erläbniss

Nach de Bschtelig schtaat d Liferig für de Privaat- oder Gschäftsempfänger im Mittelpunkt. Grad bi Fitnessgräät, wo dihäi oder im Schtudio oft zuesäzzlichi Servissis wiä de Uufbou und s Zruggnää vo de Verpackig voorgseend. Mit de Web-Äpp vo öisem Houmserviss gnüüssed Iri Privaat- und Gschäftsempfänger Äxtras wiä Onläin-Termiinwaal, Sändigsaachündigung mit Läiv-Träcking und viles mee. Bi Fraage hilft öise zentraal Chundediänscht gern wiiter.

In diesen Büros ergibt 1+1=3

Dietikon, 24. Februar 2023

Stellen Sie sich vor: Sie müssen die Büroräumlichkeiten eines Unternehmens einrichten. O je? Oder: Gähn? Alles kein Problem. Denn hier setzt Tradingzone an.

Das innovative Unternehmen aus Regensdorf im Zürcher Unterland macht die Basismöblierung zu dem, was es ebenfalls ist: Logistik vom Feinsten. Ging es gestern noch um ein optimales Beschaffen von neuen und gebrauchten Büromöbeln / Möbel / Design Klassiker in grosser Stückzahl, so begleitet das Unternehmen seine Kundinnen und Kunden heute von der Planung über den Kauf bis hin zur Entsorgung und Wiederverwertung des Inventars. 


Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Mee Vortäil, mee Wert

Sii gschtalted Iri Fixchoschte i de Liferchette und im Laager variaabel, will Si nur zaled, was Si in Aaschpruch nämed.

Mit öisne toppmotiviärte Mitarbäitende und ere Steit-of-di-Aart-Softwäär für Houmserviss-Dienschtläischtige schteled mer e maximaal positiivs Ändchundenerläbnis sicher.

Das schafft Vertroue und zallt sich für Ires Undernäme meerfach uus.

Falls gwünscht, soorged mir über elektroonischi Daateschnittschtele (EDI) für e naatloosi Aabindig von Irne ERP a öises Sischteem. Dur das entfallt di manuell Sändigserfassig, will d Daate automaatisch übermittlet werded.

Falls Si kä EDI-Schnittschtell wünsched, erfassed Si i öisem Chundeportaal nöii Sändigsuufträäg, laded di digitaal underschribne Liferschii abe und viles mee; jederziit und von überall uus.

Für Sii roled Planzer-äigni Faarerine und Faarer uus, wo mir i öisne huusäigne Uusbildigszäntre gschuelt händ.

Diä bediäned Iri Empfänger i de entschprächende Landesschpraach und mäischtens sogaar im passende Dialäkt.

Ändchunde gänd öisem Houmserviss erfröilich gueti Reiting-Noote.

Di passende Gschichte us öisem Blog dezue

Kundeninterview: Kindschi Söhne AG

Wir übernehmen Quickpac und Quickmail

Jedes Paket hat seine eigene Geschichte – Planzer Weihnachtsvideo 2023

Ihr Ansprechpartner

Heinz Wiedemeier
Heinz Wiedemeier Mitgliid vode Gschäftsleitig
Leiter Planzer Homeservice
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop