Bi de Logisch­tik vo Elektro­grooss­gräät für d Gaschtro­nomii oder vo Elektro­chliigräät für de Hushalt under­schtüzzed mer Si mit effiziänte Prozäss, kwali­fiziärte Mitar­bäitende und eme rundume iiwand­freie Uuf­trätte bi Irne Chunde. Für Iri Wiiss­waare schtönd Ine umfassendi Logischtik­läischtige zur Verfüegig, vo de Voorholig und Zwüsche­laagerig über d Stück­guet- oder Houm­serviss-Aa­liferig bis zum Rückt­ransport vo alte Gräät und zu de fach­grächte Ent­soorgig vo Ver­packigs­materiaal.

Läischtige wo sich nüzzlich mached

Aalifere

Iri Wiisswaare lifered mir mit de aagmässne Sicherhäit zur Irnen Empfänger. Mir underschäided zwüschet Randschtäi und Verwändigsort. S Letschtere isch i de mäischte Fäll d Wonig vo Irem Chund, chan aber gern au e Hotelchuchi oder e Länscheri sii. Wichtig isch, dass Ire Chund diä Liferopzioon kännt, wo Si uusgwäält händ. Übrigens: Für chliini Äinhäite wiä Ersazztäili nuzzed Si ganz äifach öise Päckliserviss.

Voor-Ort-Serviss

Uuspacke
Iri Gräät packed mer voor Ort uus und nämed ales Verpackigsmateriaal für di sachgerächt Entsoorgig wider mit.

Montaasch/Funkzioonskontrole
Je nach Wunsch schteled mer d Gräät uuf, schruubeds zäme, füered e Funkzioonskontrole dure und macheds paraad für e diräkti Inbetriibnaam. Allerdings nämed mir weder d Komfigurazioon vo de Iischtelige no e Schuelig vo de Aawänder voor.

Grobräinigung/Abnaam
Wills bim Transport und Montiäre immer Schtaub git, nämed mer e Grobräinigung voor, gänd e Churzinschtrukzioon und lönd s Gräät vo Irem Empfänger abnää.

Voorhole und (zwüsche-)laagere

Di nazionaal und internazionaal Voorholig dörfed Si ebefalls gern öis überträäge. Sobalds scho mal i öisne Laager aachoo sind, chömer Iri Wiisswaare für Sii ii- oder zwüschlaagere. Dank öisem flächedeckende Netzwerch i de ganze Schwiiz simer schnäll diräkt i de Nööchi vo Irem Ändchund.

Alti Gräät

Als Opzioon demontiäred mer di vorhandene alte Gräät, nämeds mit und füereds de fachgrächte Entsoorgig zue.

Rötuure

Guet mögli, dass öppis falsch uusgliferet worden isch oder Ire Chund öppis falsch bschtellt hät. Grad mit em Ii-Komerss – egaal öb e chliises Päckli oder Stückgüeter – sind Rötuure e groosses Theema. Mir übernämed für Sii s Händling vo plaante und unplaante Rötuure. Si laufed dur de gsamti standardisiärti und kontrolliärti Prozäss, au dur dää vo öisere Laagerlogischtik – und demit dur dää vo öisere Kwalitäätssicherig.

Serviss als Erläbniss

Nach de Bschtelig schtaat d Liferig für de Privaat- oder Gschäftsempfänger im Mittelpunkt. Grad bi Haushaltgeräte , wo dihäi oder im Schtudio oft zuesäzzlichi Servissis wiä de Uufbou und s Zruggnää vo de Verpackig voorgseend. Mit de Web-Äpp vo öisem Houmserviss gnüüssed Iri Privaat- und Gschäftschunde Äxtras wiä Onläin-Termiinwaal, Sändigsaachündigung mit Läiv-Träcking und viles mee. Bi Fraage hilft öise zentraal Chundediänscht gern wiiter.

Chundeportaal

I öisem webbasiärte Chundeportaal hämer sämtlichi elektroonische Diänscht us Laager- und Transportlogistik wiä Uuftraagserfassig, Laagerbeschtandsübersicht, Sändigsverfolgig und mee für Sii zämegfüert.

Träck & Treiss
Da demit verfolged Si Iri Stückguet-, Nacht-, Houmserviss- und Päcklisändige kwasi in Ächtziit. Will mir ab em Waareniigang jedere Versandäinhäit en elektroonischi Fuessfessle aalegged. So wüssed Si immer ganz genau, wo Iri Sändig underwäx isch. Sobald mir si uusgliferet händ, schtaat d Uusliferigsbeschtäätigung spöötischtens drüü Minuute nach de Underschrift vom Empfänger als PDF für Sii beräit. Usserdem chönd Si di automaatische Benaachrichtigunge de Bedürfnis vo Irne Chunde aapasse.

TransNet
Mit dere Äpp bewirtschafted Si Iri Transportuufträäg schnäll und sicher. Si erfassed si diräkt im Sischteem oder mutiäred wichtigi Eggdaate wiä Empfänger-Inschtrukzioone, Liferziit oder d Art vo de Waar. Sämtlichi Daate vo aktuelle Uufträäg bliibed schtändig erhalte und für Sii jederziit iiseebaar.

LogNet
So häisst öises wäbbasierte Laagerlogischtiktuul für Gschäfts- und Privaatchunde. Daa erfassed Si Bschtelige, Konfäkzionierigs- und Kommissionieruuftääg, verwalted Iri Artikelschtammdaate, lueged in Ire Beschtand, verwalted Sperrschtaatus und chönd Liferschii oder Rächnigsbiilaage aaluege und exportiäre. Sämtlichi Dokumänt über Iri Laagergüeter sind bi öis elektronisch archiviärt.

Login

Is Chundeportaal iilogge
Demoversioon aaluäge

Händ Si no käs Login zu öisem Chundeportaal? Iri Aaschprächpersoon hilft Ine gern wiiter.

Automaatischi Daateüberträägig

Überen elektroonischi Daateschnittschtell (EDI) verbindt öisi ÄiTii-Abtäilig Iri ERP-Softwäär mit öisem Transport- oder Laagerlogistiksischteem – oder sogar mit bäidem. So schteled mir sicher, dass ali transportrelevante Daate wiä Absänder und Empfänger, Waarenart, Schtuckzaal, Verpackig, Bruttogwicht, Abmässige oder ali für d Laagerlogistik wichtige Aagaabe wiä Artikelschtammdaate, Produktionsuuftraag, Schtuckliischte, Chundenuuftraag, Schtaatusbuächige oder Rötuurehändling mit Irne ERP-Daate überäinschtimed. Falls Si käi EDI-Schnittschtelle wünsched, chönd Si Iri Uufträäg manuell i öisem Chundeportaal erfasse.

Mee Vortäil, mee Wert

Sii gschtalted Iri Fixchoschte i de Liferchette und im Laager variaabel, will Si nur zaled, was Si in Aaschpruch nämed.

Mit öisne toppmotiviärte Mitarbäitende und ere Steit-of-di-Aart-Softwäär für Houmserviss-Dienschtläischtige schteled mer e maximaal positiivs Ändchundenerläbnis sicher.

Das schafft Vertroue und zallt sich für Ires Undernäme meerfach uus.

Falls gwünscht, soorged mir über elektroonischi Daateschnittschtele (EDI) für e naatloosi Aabindig von Irne ERP a öises Sischteem. Dur das entfallt di manuell Sändigserfassig, will d Daate automaatisch übermittlet werded.

Falls Si kä EDI-Schnittschtell wünsched, erfassed Si i öisem Chundeportaal nöii Sändigsuufträäg, laded di digitaal underschribne Liferschii abe und viles mee; jederziit und von überall uus.

Für Sii roled Planzer-äigni Faarerine und Faarer uus, wo mir i öisne huusäigne Uusbildigszäntre gschuelt händ.

Diä bediäned Iri Empfänger i de entschprächende Landesschpraach und mäischtens sogaar im passende Dialäkt.

Ändchunde gänd öisem Houmserviss erfröilich gueti Reiting-Noote.

Miele Schweiz arbeitet seit vielen Jahren mit Planzer in den Bereichen Lager- und Transportlogistik zusammen. Uns verbindet das permanente Streben nach Qualität, ganz getreu dem Miele Motto «Immer besser.». Wir schätzen die reibungslose und kollegiale Zusammenarbeit. Unsere und die Anliegen unserer Kunden liegen auch Planzer am Herzen. Die Zusammenarbeit zeichnet auch dadurch aus, dass wir gemeinsam stetig an der Verbesserung unserer Effizienz und unserer Dienstleistungsqualität arbeiten. So ist schon manche innovative Idee entstanden und in die Tat umgesetzt worden.

Roger Gämperli Director IT & Logistics, Miele Schweiz
Roger

Ire Asprächpartner

Heinz Wiedemeier
Heinz Wiedemeier Mitgliid vode Gschäftsleitig
Leiter Planzer Homeservice
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps