Gfaargüeter ghöred nöd nur zu Irem, sondern au zu öisem Alltag. De fangt bi de Waarenübernaam aa und ändet bi de sichere Uusliferig oder sachgrächte Entsoorgig. Mir transportiäred und laagered jedes Gfaarguet, mit Uusnaam vo radioaktiivem Materiaal. Für das sezzed mer d Gfaarguetbeschtimige und Ires huusäigne Pflichteheft ooni Wänn und Aber um. Öisi Faarerine und Faarer sind vollschtändig ADR-uusbildet und halted ires Chöne a schuur.

Läischtige vo de Äxtraklass

Waareniigang

Mir underziänd Iri Sändige enere Kontrole oder je nach Gfaareschtuufe enere Doppelkontrole uf Beschädigung und Kännzäichnig. Für das hämer seperaati Tiims im Iisazz. Diä nämed zuesäzzlich d Korektuur vo nöd gsetzeskonforme Kännzäichnige voor. Bi Beschädigung erfolgt e sicheri und regelkomformi Bergig und di umgehendi Entsoorgig oder Rückliferig.

Sonderlaager Birsfelden

Bsunders gföörlichi Schtoff verlanged bsunders sicheri Laager. D Planzer Birsfelden isch de äinzig Schtandort i de Schwiiz wo dörf und chan bschtimmti Schtoff laagere.

Väliu-äädid Servissis

Au Gfaargüeter chömer soo komissioniäre und komfekzioniäre, wi Siis in Uuftrag gänd. Usserdem bschaffed mer ales Verbruuchsmateriaal wo mer defüür benöötiged. Erfaared Si mee über öisi Dienschtläischtige vo de Komfekzioniärig und de Komissioniärig.

Muschterzuug für d Produktfreigaab

Schpeziell uusbildeti Mitarbäitendi nämed de Muschterzuug vo Feschtschtoff und Flüssigkäite nach de gältende Voorschrifte und Verfaare voor. Si sortiäred, kontrolliäred und schteled d Sändige für d Proobnaam under ADR- oder GMP-Bedingige beräit, ordned d Kännzäichnig zue und bearbäited d Uufträäg und d Dokumentazioone under Iihaltig vo allne nöötige Maassnaame für d Kwalitäätssicherig. Au s Umrüschte vo Proobenaamenaalaage uf anderi Produkt erfolgt nach de gältende Voorgabe.

Versandvoorberäitig

Dezue ghööred di exakt und rössursseoptimiärt Dischposizioon uf di sinnvolle oder voorgschribne Vercheersträäger, en akkuraati Versandvoorberäitig vo de Waar und schliässlich de regelkonform Versand sälber.

Gfaarguettranspört

Mir wickled de Transport vo Irne Gfaargüeter uf de Baasis vom ADR-Baasisregelwerch (Öiropääisches Überiikome über di internazionaal Beförderig vo gföörliche Güeter uf de Schtraass) und vom nazionaale Rächt ab. Für das schtellt öises gschuelte Faarpersonaal s professionelle Händling vo Gfaarschtoff und demit d Sicherhäit vo Mänsch und Umwält sicher.

Entsoorgig

Di umwältverträäglich Entsoorgig vo Gfaargüeter erforderet ufgrund vo irere Zämesezzig und irnen Äigeschafte mäischtens bsunderi technischi und organisatoorischi Massnaame. So simer au für di sachgerächt Entsoorgig beschtens uusgrüschtet.

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Mee Vortäil, mee Wert

Mit öisne hööchklassige Dienschtläischtige i de Gfaarguetlogischtik optimiäred mer Iri Sicherhäit.

Für Sii bliibed mer uf em nöischte Schtand vo de Gsetzesaaforderige.

Mir bilded öises Personaal im Umgang mit Gfaarschtoff schpeziell uus und laufend wiiter.

Mir schteled Ine e langjäärigi Erfaarig i de Transport- und Laagerlogischtik vo Gfaarschtoff zur Siite.

Gmäinsaam mit Ine sueched mer nach individuelle Löösige und beraated Si fachkompetänt.

Mit Planzer Birsfelden schtaat Ine en schwiizwiit äimaalige Laagerschtandort für bsunderi Gfaargüeter offe.

Di passende Gschichte us öisem Blog dezue

Kundeninterview: Kindschi Söhne AG

Wir übernehmen Quickpac und Quickmail

Jedes Paket hat seine eigene Geschichte – Planzer Weihnachtsvideo 2023

Ire Ansprächpartner

Patrik Meier
Patrik Meier Mitgliid vode Gschäftsleitig
Leiter Laagerlogischtik
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop