Wer Fitnessgräät herschtellt, isch uf schportlichi Partner aagwise. Drum sötted Si öis käneleere. Mir lifered Schtepper, Laufbänder, Chraftschtazioone, Körlbänks, Schprungboxe, Pauerpleits und ales, was Ire Chund oder Ires Fitnesszenter bruucht zum erfolgriich sii.

S Bsundere für Sii: Ire Chund profitiärt vo de Vortäil vo öisem Houmserviss wi Liferig an Verwändigsort und Uufbou vo de Gräät. Er erläbt d Kwalitäät vo Irne Produkt mit de Eerschtklassigkäit vo öisem Serviss.

Läischtige wo Sii und öis fit halted

Aalifere

Iri Fitnessgräät lifered mir mit de aagmässne Sicherhäit zu Irem Empfänger. Mir underschäided. zwüschet Randschtäi und Verwändigsort. S Letschtere isch i de mäischte Fäll d Wonig vo Irem Chund, chan aber gern au e Niderlassig vomene Fitnesszenter sii. Wichtig isch, dass Ire Chund diä Liferopzioon kännt, wo Si uusgwäält händ.

Voor-Ort-Serviss

Uuspacke
Iri Fitnessgräät packed mer voor Ort uus und nämed ales Verpackigsmateriaal für di sachgerächt Entsoorgig wider mit.

Montaasch
Je nach Gräät schteled mers uuf, schruubeds zäme und macheds paraad für e diräkti Nuzzig dur Iren Empfänger.

Grobräinigung
Wills bim Transport und Montiäre immer Schtaub git, nämed mer e Grobräinigung voor und lönd s Fitnessgräät vo Irem Empfänger abnää.

Voorhole und (zwüsche-)laagere

Di nazionaal und internazionaal Voorholig dörfed Si ebefalls gern öis überträäge. Sobalds scho mal i öisne Laager aachoo sind, chömer Iri Fitnessgräät für Sii ii- oder zwüschlaagere. Dank öisem flächedeckende Netzwerch i de ganze Schwiiz simer schnäll diräkt i de Nööchi vo Irem Ändchund.

Bruuchti Gräät

Als Opzioon demontiäred mer di vorhandene alte Gräät, nämeds mit und füereds de fachgrächte Entsoorgig zue.

Rötuure

Guet mögli, dass öppis falsch uusgliferet worden isch oder Ire Chund öppis falsch bschtellt hät. Grad mit em Ii-Komerss – egaal öb e chliises Päckli oder Stückgüeter – sind Rötuure e groosses Theema. Mir übernämed für Sii s Händling vo plaante und unplaante Rötuure. Si laufed dur de gsamti standardisiärti und kontrolliärti Prozäss, au dur dää vo öisere Laagerlogischtik – und demit dur dää vo öisere Kwalitäätssicherig.

Serviss als Erläbniss

Nach de Bschtelig schtaat d Liferig für de Privaat- oder Gschäftsempfänger im Mittelpunkt. Grad bi Fitnessgräät, wo dihäi oder im Schtudio oft zuesäzzlichi Servissis wiä de Uufbou und s Zruggnää vo de Verpackig voorgseend.

Mit de Web-Äpp vo öisem Houmserviss gnüüssed Iri Privaat- und Gschäftschunde Äxtras wiä Onläin-Termiinwaal, Sändigsaachündigung mit Läiv-Träcking und viles mee. Bi Fraage hilft öise zentraal Chundediänscht gern wiiter.

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Mee Vortäil, mee Wert

Sii gschtalted Iri Fixchoschte i de Liferchette und im Laager variaabel, will Si nur zaled, was Si in Aaschpruch nämed.

Mit öisne toppmotiviärte Mitarbäitende und ere Steit-of-di-Aart-Softwäär für Houmserviss-Dienschtläischtige schteled mer e maximaal positiivs Ändchundenerläbnis sicher.

Das schafft Vertroue und zallt sich für Ires Undernäme meerfach uus.

Falls gwünscht, soorged mir über elektroonischi Daateschnittschtele (EDI) für e naatloosi Aabindig von Irne ERP a öises Sischteem. Dur das entfallt di manuell Sändigserfassig, will d Daate automaatisch übermittlet werded.

Falls Si kä EDI-Schnittschtell wünsched, erfassed Si i öisem Chundeportaal nöii Sändigsuufträäg, laded di digitaal underschribne Liferschii abe und viles mee; jederziit und von überall uus.

Für Sii roled Planzer-äigni Faarerine und Faarer uus, wo mir i öisne huusäigne Uusbildigszäntre gschuelt händ.

Diä bediäned Iri Empfänger i de entschprächende Landesschpraach und mäischtens sogaar im passende Dialäkt.

Ändchunde gänd öisem Houmserviss erfröilich gueti Reiting-Noote.

Wir schätzen die partnerschaftliche und persönliche Zusammenarbeit sehr. Mit dem ‹Planzer Homeservice› können wir unseren Kundinnen und Kunden ein tolles Liefererlebnis mit bequemen Extras wie das Aufstellen unserer Produkte in den eigenen vier Wänden bieten. Ein toller Mehrwert, welcher ein vorhandenes Bedürfnis abdeckt.

Christopher Pfister Gorilla Sports Schweiz AG

Ire Aaschprächpartner

Heinz Wiedemeier
Heinz Wiedemeier Mitgliid vode Gschäftsleitig
Leiter Planzer Homeservice
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop