En internazionaali Liferchette birgt i de Regel interessanti Sünergiiä. I de mäischte Fäll bliibed diä ungnuzzt. Mit öisere Maargge Planzer Sinerdschistics sezzed mer diä für Ires Undernäme frei, so dass Si sich chönd uf Iri Chernkompetänze konzentriäre. Als Ire Prowäider für Forth-Parti-Lodschistiks (4PL) hämer sämtlichi Fäde vo Irere Logischtik i de Hand. Root sind i dem Fall diä vo Effiziänz, Kwalitäät und Flexibilitäät.

Läischtige für e sicheri Zuekumft

Profitiäred Si vom Optimum, ooni Kompromiss und Iischränkige.

Soluuschen

Zum Uuftakt durlüüchted mer Iri aktuelli Liferchette und prüefed Iri Prozäss, Standort, Vercheersträäger, Durchlaufziite, Beschtands-, Laager-, und Transportchöschte, Tonaasche, und anderi Logischtikgröössene. Diä Analüüse zäigt Ires Verbesserigspotenziaal uuf. Also legged mer Ine nöii Ziil und entschprächendi Maassnaame fescht. Mir erlüütered, wiä Si di äinzelne Logischtikdienschtläischter orcheschtriäred. Für das schnüered mer en individuells Gsamtkonzept mit ere Drüü-bis Föifjaaresplaanig.

Implementazioon

Jetzt sezzed mer Iri nöi Logischtiklöösig um – i Irem Betriib, bi Irne Chunde, Logischtikdienschtläischter und bi öis. Demit verbunde sind d Aapassig vo Irere Softwäärlandschaft und ÄiTii und d Daatemigrazioon i nöii Sischteem. Oft veränderet das gliichziitig Ires Organigramm. Als Süppleman schueled mer Iri Aawänder voor Ort und füered Kontrolen ii. Di ganz Transformazioon passiärt als «Continiuäs Impruuvmänt» schrittwiis i chliine Optimiärigsetappe.

Cockpitt

Länder, Partner, Sischteem – zum ales koordiniäre bruuched Si Fachwüsse und Technologiiä. Mit öisem Cockpitt mit eme Steit-of-di-Aart-ERP begläited Si öisi erfaarene Expärte dur Iri nöi Logischtik. Si erfassed Iri Transport-, Laager- oder Inventuuruufträäg, dischponiäred d Ruute, wääled di gäignete Vercheersträäger uus, mälded Ine Chundefiidbäck und wiiters Optimiärigspotenziaal. Si sind für Sii und de 1st-Lävel-Support da. Dä Sändigsschtaatus vo Irne Güeter verfolged Si über s Cockpitt jederziit onläin.

Freitt Sädelmänt

D Adminischtrazioon vo Irere Logischtik chan unnöötig Rössursse belaschte. Drum übernämed mir für Sii d Rächnigsschtelig und d Kontrole vo Irne Liferanterächnige. Usserdem schteled mer Iri Kännzaale aaschaulich daar. Uf Wunsch erbringed mer wiiteri Zuesazzläischtige wie e Risikobeurtäilig oder d Evaluazioon vonere Transportversicherig. Im Schadefall dörfed Si d Schadenabwicklig und d Koordinazioon vo Betäiligte wi Versicherige, Schpedizioone, Reedereie oder Fluggsellschafte öis überträäge.

Wiiteri Imformazioone under synergistics.ch.

Prässemittäilig

vom Daniel Diaz Mittwuch, 10. Februaar 2021

Planzer Sinerdschistics und DB-Schenker lönd mediziinisches Schutzmateriaal abhebe

«Als nöitraale 4PL-Aabüüter holed mir für öisi Chunde s Beschte us em Määrt use. Dank öisem Netzwerch chömer nöd nur Äärport-tu-Äärport, sondern au Door-tu-Door – rund um d Uur und rund um d Wält.»

so de Michael Stoll, Mänätsching Däirecter vo Planzer Sinerdschistics.

Artikel läse

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Mee Vortäil, mee Wert

Si reduziäred mit öis d Choschte vo Irere Liferchette, will mir s Voluume und d Transportuufträäg für Sii puuled.

Mit öis variabilisiäred Si Iri Fixchöschte bim Personaal, de Faarzüüg und de Laagerflächene.

Als Suppläi Tschein Mänätscher vergröössered mer d Kwalitäät vo Irere Logischtik und soorged defüür, dass Iri Serviss Lävel Agriiments iighalte werded.

Will Si uf öisi Ziit und Lüüt chönd zelä, wird Iren Iisazz vo Määnpauer äiniges flexiibler.

Mir gschtalted Iri Wertschöpfigschette schlanker und riibigsfreier. Das Gäld chönd Si sinnvoller inveschtiäre.

Si optimiäred Iri Schtüüre, zum Bischpiil idäm Si weniger Zollabgaabe entrichted oder Iri Meerwertschtüür richtig handhabed.

Di passende Gschichte us öisem Blog dezue

Kundeninterview: Kindschi Söhne AG

Wir übernehmen Quickpac und Quickmail

Jedes Paket hat seine eigene Geschichte – Planzer Weihnachtsvideo 2023

Ihr Ansprechpartner

Michael Stoll
Michael Stoll Gschäftsfüerer
Adrässe

Planzer Synergistics AG
Althardstrasse 301
8105 Regensdorf

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop