Intakti Vercheerswääg und e guet uusbouti Imfraschtruktuur sind e Grundvoruussetzig für en ökonoomischi und persöönlichi Mobilitäät. Allerdings isch d’Balanss vo Umwältbelang, gsicherete Güeterversoorgig, gsellschaftliche Bedürfnis, politische Entschäidige und finanzielle Mittel hööchscht fraschiil. D’Realitäät sind z’hööchi Emissioone, ändloosi Staus, Kapazitäätsüberlaschtig vom öffentliche Vercheer und anders. Mit innovatiive Dänkaasätz und Maassnaame strebemer e naachhaltigi Vercheersentwicklig und e harmonischi Uusgschtaltig vonere analooge und digitaale Mobilitäät aa.

Mit Dänkläischtige mobil bliibe

Ssitti-Logischtik

Under de Bezäichnig Ssitti-Logischtik hämer es Vercheerskonzept für Baligsrüüm entwicklet, wo Sünergiiä zwüsched Abholig und Zueschtellig nutzt und e naachhaltigi Versorgig aastrebt. Chern vom Konzept bildet d’Baan als Hauptvercheersträäger. Mit dem zuekunftsorientiärte Aasatz schtelemer en hööchi Versoorgigskwalitäät i de Stedt sicher und trääged gliichzitig de Bedürfnis vo de Stadtbevölkerig Rächnig, verringered d’Lärm- und d Emissioonsbelaschtig und erhöched d’Effiziänz vo öisem stedtische Transportgschäft.

Alternatiivi Aattriibstechnologiiä

Scho hüt setzemer Elektro-LKWs, es Ii-Cargobäik und e Rossgutsche z Zermatt ii und prüefed de Iisatz vo andere Chliifaarzüüg mit alternatiive Aatriib. As Familiänundernäme liit öis d’Umwält am Herze, drum angaschiäremer öis für d’Forschig und d’Wiiterentwicklig vo rössursseschoonene Aatriibstechnologiiä und em autonoome Faare mit sälbergschtüürte Tröcks oder Bouschteleabsicherigsfaarzüüg. Usserdem befassemer öis mit Wasserstoff- und Hübriidlöösige. Di letschtere teschtemer im Raame vome Pilootversuech im Ruum Bern.

Tankschtele vo de Zuekunft

D’Diversifiziärig vo de Triibschtöff isch en unuufhaltsaame Trend. Egal wele Mix an Triibstöff in Zuekunft aabote wird: D’Tankschtell vo de Zuekunft wird dä Triibschtoffmix under äis Dach bringe. Da chömer Wüsse, Imfraschtruktuur und Erfaarig iibringe.

Smarts FlotteMänätschment

E Flotte mänätsche, isch i de Logischtik Pflicht. E Flotte intelligänt mänätsche, isch Küür. Drum schaffed mer i öisere Technik mit Telemaatik-Aabindig, nutzed GEO-Lokalisiärig für ruutenoptimiärts Dischponiäre, setzed digitaali Tuuls für d’Predicitif-Ripäär ii, erfassed Daate mit Kwik-Scään-Aawändige und füered Eco-Dräiv-Analüüse dure. Mitem Täier Prescher Monitooring Sischteem (TPMS) überwachemer de Räifedruck vo öisne Faarzüüg rund um d’Uur. So büügemer Unfäll vor, wo dur fäälerhafti Räife verursacht werded.

Dänkaasätz Mobilitäät

Im Raame vo de Undernämergruppe Wettbewerbsfähigkäit hämer ime Theesepapiir äifachi, aber präziisi Maassnaame und Dänkaasätz für e naachhaltigi Wirtschaftsregioon Züri formuliärt. Da e paar Biischpil:

Mobilitäätshabs

Mit regionaale Mobilitäätshabs als ziitoptimiärti Möglichkäit, vo der Autobaan in e regionaals Parkhuus faare und vo det mit eme Schnällzuug de Hauptbaanhoof Züri erräiche.

Mobility Präissing

De motorisiärti Individuaalvercheer und di enorme Pändlerströöm veruursached vor allem zu de Hauptvercheersziite en Überlaschtig vo de Vercheersschtruktuure. Usserhalb vo dene Belaschtigsspitze isch d’Imfraschtruktuur nur ungnüegend uusglaschtet. Will si irgendwänn nüme cha mee uusbout werde, muess d’Nutzig optimiärt werde. Öises Motto: «Digitaal statt Beton». E villverschprächendi Maassnaam isch s’Mobility Präissing, wo d’Chöschte vo de Mobilitäät je nach Nutzigsziit für di verschidene Vercheerstäilnemer variiärt. Das Konzept unterstützemer, zum i de Zuekunft eme mögliche Kolaps vom Schwiizer Vercheerssischteem usem Wääg z’gaa.

Analoog vs. Digitaal

Di beschte Ergäbnis erziiled Aasätz, wo analoogi und digitaali Mobilitäat geziilt ufenand abschtimed. Zum Bischpiil durs Verchnüpfe vo Individualisiärig vo Diensschtläischtige mit individuell passende Vercheersträäger.

Swiss Netz

Mit dem Konzept söll s’gränzüberschriitende Baannetz ergänzend zu de besteehende Flugverbindige wiiterentwicklet werde.

Mikromobilitäät

Gmääss de Veräinte Nazioone werded im Jaar 2050 fascht 70% vo de Bevölkerig imene urbaane Umfäld läbe. Dezue bruuched grad d’Innestedt zuekunftswiisendi Mobilitäätskonzept mit sinnvolle Alternatiive wie Velo, Sägweis, Ii-Liächtfaarzüüg, Huuverboords, Monowiils, Ii-Skeitboords, Ssittibäiks, Ii-Scuuter oder Trättroller. Das bedingt aapassti Vercheersläitsischteem und Gschwindigkäitsregle. I diverse Stedt im Ussland händ sich Mikromobilitäätsmodäll scho etabliärt. I de Schwiizer Stedt bliibt s’Potenziaal no starch ungnutzt. Gschpannt verfolgemer diä Entwicklige und bringed öis deet ii, wos Sinn macht.

Di passende Gschichte us öisem Blog dezue

In den Hochalpen tierisch effizient

Weihnachtszeit – besinnliche Zeit

Vorsprung durch Nachtsprung

Iren Aaschprächpartner

Hansjörg Rupp
Hansjörg Rupp Mitgliid där erw. Gschäftsleitig / Leiter Technik
Adrässe

Industriestrasse 10
8108 Dällikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps