Öisi ÄiTii isch mee als irgend en ÄiTii. Mir beschäftiged mee als 60 Persoone mit technologiischpeziifische Usbildige, zum Bischpiil Netzwerchschpezialischte, Data Säientischts oder Softwäär-Programmiärer und -Programmiärerine. Dezue chömed über 30 Persoone bi «Maison du Software» (mee dezue wiiter une). Wiä vil Undernäme durlaufed au mir e digitaali Transformazioon hii zunere agiile, mobile und technologiibasiärte Organisazioon. Das macht au Sii as Chund beweglicher und vernetzter.

Läischtige, wo mee als äis oder null chönd

Imfraschtruktuurserviss

Mir verfolged gruppewiit e Klaud-First-Strategii und schaffed äng mit öisne Partner bi Mäikrosoft zäme. Öise virtuelli Sörver und s’Netzwerch betriibemer sälbschtändig. Dadezue ghööred e 7/24/365-Betröiig, Voiss ouver ÄiPii, de Underhalt und die laufendi Aktualisiärig vo modernen Arbetsplätz vertäilt über ali Standort und no vil mee.

Serviss-Desk-Organäiseischen

Öisi Mitarbäitende sind öisi Chunde. Mir verwalted d’Interakzioon mit dä Benutzer und kümmered öis au um Vorfäll und Servissaafraage. Über s’Ticketingsischteem nämemer d’Serviss-Rikwests entgäge und lööseds i de Räiefolg vo irere Prioritäät. Für d’Beschaffig setzemer wo immer möglich uf iihäimischi Rössursse. Für operatiivi Tatschpoints schtelemer en 7/24/365-Pikettdiänscht zur Verfüegig.

ÄiTii- und Ssäiber-Sekiuuriti

Ssäiber- und ÄiTii-Sekiuuriti sind öis soo wichtig, dasmer en äigni Abtäilig defür underhalted. ÄiTii-Sekiuuriti isch Täil vo öisem Sicherhäitsaaspruch und uf de oberscherte Stuufe in öisem Undernäme aagsidlet. Mir händ e gschichteti Sicherhäitsarchitektuur, e Sekiuuriti-Hügieene und Grundschutz als Baasis etabliärt. Usserdem underhaltemer es Striimläining Sekiuuriti Mänätschment und Opereischens und richted öises Augemerk uf di übliche Aagriffsvektoore wiä zum Bischpiil Fisching. Mir überwached laufend d’Bedrooigslandschaft, erhööched d’Chöschte für Aagriifer und minimiäred so d’Risike. Usserdem füeremer undernämenswiiti Imformazioonssicherhäits- und Sensibilisiärigskampanie dure.

Data Integreischen Servissis

Scho hüt laufed zwüsched öisne Gschäftspaartner und öis über 80% vo de Imformazioone digitaal. Im Data-Integreischen-Tiim bouemer EDI-Schnittschtele zu de ERP- und andere Sischteem und beschlüüniged so de digitaal und fälerfrei Daatefluss. Schtüürigs- und Umsischteem schnäll und würkigsvoll i öisi Wält z’integriäre, ghöört zum Alltagsbisness.

Us dem Grund chömer Mandante und dene iri Sischteem rasch und effiziänt aabinde und i chürzischter Ziit e sischteemtechnischi Zämenarbet gwäärläischte.

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Bisness Servissis

Öisi Projäktmänätscher verfüeged über e fundiärti Uusbildig im ProjäktMänätschment und setzed jedi Art vo internä Projäkt um. De Prozäss schtartet bi de Aaforderig, gaat wiiter mit de Konzepzioon, über d’Evaluazioon bis hii zu de Umsetzig und Übergaab in Betriib. Das chönd gruppewiiti Projäkt wie Rollaut vo Hardwär oder d’Iifüerig vo komplexe Softwäärsischteem sii.

Validiärti ÄiTii-Sischteem

Je nach Chund und Bransche muess öisi ÄiTii-Landschaft schträngi Chundeschtandards erfüle. Dezue müemer jedi Komponänte vom Herschteller prüefe laa. Für d’Sicherhäits- und Kwalitäätsaaforderige akzeptiäremer nur äin Lewel: 200%.

Digitaali Transformazioon

S’Theema Nummeren äis i de ÄiTii isch au bi öis äis. D’Digitalisiärig zwingt öis, schtändig vernetzt z’dänke, de ganze Wertschöpfig entlang. Bischpiil vo de digitaale Transformazioon umfassed Souschel Miidia, Big Data, Klaud Servissis, Smart Diväissis, Internet of Sings oder Blocktschein, wo öises Läbe nöd nur begläited, sondern au beiiflussed – und verändered.

Smart Wörking

Hüt schaffed mir wo immer möglich tiimübergriifend, ziilorientiert und agil. Mir stelled moderni Arbetsplätz mitere konsequänte Claud-Först-Schtrategie, Meikrosoft Tiims und Offiss 365 zur Verfüegig. Au Co-Wörkingspeisses und Houmoffiss händ i öisere Braansche Iizug ghalte und sind Teil vo öisere Arbetswelt. Mit Ii-Lörning-Tuuls und emene Tälent-Developmänt-Programm betriibed mir e stetigi Mitarbeiterentwicklig. Agili Arbetsmethode wie Scrüm sind für öis ade Tagesordnig und ermöglicheds schnäll uf d’Bedürfniss öisne Chunde z’reagiere und mithilf vom DevOps-Ahsatz kontinuierlichi Verbesserigsprozäss in verschiedenä Bereichä umzsetze.

Softwäär-Enschiniiring

Siit echli mee as 20 Jaar entwicklemer öisi ERP-Sischteem für Transport, Laagerlogischtik und Päcklidienscht in Äigereschii. D’Kunscht, altbewäärti Sischteem wie IBMi gmeinsaam mit nöie Sischteem uf modernschte Technologiiä mitenand z’verbinde und dadebii de bescht Meerwert z’generiäre, isch äini ivo öisne Chernkompetänze.

Ahand vom vilfältige Spektrum vo öisne Täätigkäite schaffemer mitere bräite Werchzüügpalette. Vo monolitische Kobol- und RGP-Entwicklige bis zu servissorientiärte Entwicklige mit Java, C# über PHP, Phyton und Ruby bouemer öisi Applikazioone uf vilne verschidene Programmiärspraache und de entsprächende Technologiiän uuf.

Nöii Technologiiä wie künschtlichi Intelligänz oder Blocktschein us em «Internet of Things» (IoT) sind au im Transport und i de Laagerlogischtik omnipresänt und beschäftiged öis dahingehend, zuekunftsorientiärti und innovatiivi Sischteem z’entwickle. Dur das chömer öisi Bisnessberiich im Hiiblick uf die digitaal Transformazioon und Induschtrii 4.0 optimaal unterschtütze und öis so klaari Määrtvortäil verschaffe.

Data Änalitiks

Big Data isch au bi öis es Big Topic. So sammlemer und verwertemer relevanti Imformazioone us allne Sischteem vo de Planzer-Gruppe. Näbet em Uufbou vo öisem «Data Leik» generiäremer ebefalls Insäits und entdecked Anomaliiä mit modernschte Metoode und Maschiin Lörning. Öises Data Änalitiks Tiim hämer im Jaar 2020 gründet. Mir schaffed beriichsübergriifend mit allne Fachberiich und Schparte bi Planzer. So unterstützemer d’Gschäftsberiich debii, iri Prozäss kontinuiärlich z’verbessere, güned nöii Erkänntnis, entdecked Zämehäng und Sünergiiä und chönd au früeziitig nöii interessanti Gschäftsfälder erchäne. Öisi Analüüse visualisiäremer mit de beschte Tuuls, zum Bischpiil Power BI. Mir nutzed die nöischte Meikrosoft-Technologiiä für Änalitiks und Big Data und bliibed dank ängem Uustusch mit öisne Partner immer am Puls vo de Ziit.

Mäsoo du Softwäär

Softwäär für schpezielli Undernäme mues zu 100% passe, grad im Logischtikbisness. Numen esoo bliibed Si uf em Määrt beweglich. Sottigi Aasprüch ghööred i öisem «Mäsoo du Softwäär» zu de Deilis. Da disäinemer digitaali Aawändige, wo sich a de Bedürfnis und Veränderige vo Irere Firma und Bransche orientiäred. Und a de Aaforderige vomene fortschrittlichä Softwäär-Enschiniiring.

Wiiteri Imformazioone finded Si under maisondu.software.

Uusbildig

Lernendi gseend mir als öisi Zuekunft. Drum ruumemer de Leerlingsschtruktuur en hööche Schtelewert ii. Mir bilded jungi Lernendi jedes Jaar zum Imformatiker oder zur Imformatikerin uus. Di viärjäärigi Grunduusbildig äignet sich für ali technisch versiärte, logisch dänkende und sischtemaatisch vorgehendä jungä Mänsche, wo sich für di komplexe Aschpäkt vo de ÄiTii interessiäred. D’Imformatikerleer ermöglichet de Lernende en Iiblick i alli Beriich vo öisere ÄiTii. Sig das di technisch Abtäilig, d’Projäktabtäilig oder d’Servisstechnikabtäilig. Usserdem sammled si miteme äinmonaatige Uufenthalt inere externe Filiaale zuesätzlichi Erfaarige für iri brueflich Zuekunft.

Wiiteri Imformazioone zu öisne Leerbrüef gits under www.planzer-lehrstellen.ch.

Mee Vortäil, mee Wert

ÄiTii isch bi öis nöd nur Näbesach, sondern Scheffsach. So setzemer geballit Breinpauer, nöischti Technologiiä und Steit-of-di-Aart-Tuuls defür ii.

Weles Projäkt Si au immer mit öis aagönd, mir händ di nöötig Kapazitäät und s‘erforderliche ÄiTii-Wüsse bi öis im Huus. So chönd Si schnäll und ziilgrichtet agiäre.

I öisere ÄiTii beschäftigemer di ächte Kräcks. Diä händ nöd nur topaktuells ÄiTii-Wüsse, sondern reded au flüssend die nöischte Programmiärspraache.

Di passende Gschichte us öisem Blog dezue

Kundeninterview: Kindschi Söhne AG

Wir übernehmen Quickpac und Quickmail

Jedes Paket hat seine eigene Geschichte – Planzer Weihnachtsvideo 2023

Iren Aaschprächpartner

Tobias Resenterra
Tobias Resenterra Leiter IT
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop