D’Laagerhaltig isch e wichtigi Etappe vo Irere Wärtschöpfig – au wänn sich Iri Waar im Laager grad nöd bewegt. Mit öisne Laagerarte und –tüpe sichered Si d’Qualitäät vo Irne Güeter und nützed sowool öisi enormi Erfaarig i de Laagerlogischtik als au wilkommeni Sünergie. So chönd Si Mänpauer, Ziit und Gält deet iisetze, wo Si de gröscht Meerwärt händ: am Määrt.

Leischtige a beschter Laag

Waareiigang

De Waareiigang isch de erscht und wichtigscht Arbetsschritt vonere hoochklassige Laagerlogischtik – und vo öisere Zämeaarbet. Dänn da leged mir d’Mässlatte vo öisem Kwalitäätsaaschpruch aa. Dadezue verchnüpfed mir de Waare- mit em Informazioonsfluss. Zu dem Prozäss ghöört, dass mir de Laschtwage kontrolliäred, Iri Sändig aanämed, identifiziäred, i ösem EiTii-Sischteem iibueched, emene Laagerplatz zueordnet und dänn optimaal iilaagered.

PID, SSCC & Koo.

Mit eme Skèner für di mobiil Daateerfassig buech mir Iri Waar i öises EiTii-Sischtem ii. Uf jedi intakt Palette chunt e Paletteidentifikatioonsnummere (PID). Uf de PID-Etigette sind laagerschpezifischi Daate wie Loonsume, Verfalldaatum, Mänge und de Siiriäl Schipping Conteiner Kood (SSCC) abbildet. Si isch äimaalig und bliibt a de Palette, bis diä vollschtändig gläärt isch und d’Waar d’Laagerchette verlaat.

In Prattle passiärt de Waareiigang automaatisch: D’Palette mit Irne Güeter werded vo de Baan oder vom LKW uf öisere Förderaalag is vollautomaatische Hoochregaallaager transferiert. D’SSCC-Verwaltig passiert uf Bschtelligsebeni.

Härkömmlichi Laagerarte

Für Iri Waare schtönd a verschidene Planzer-Standört underschidlichi Laagertüpe paraat, wo Si beschtens käned: Palettelaager, Blocklaager, Fachbodälaager, Hoochregaallaager.

Vollautomaatischs Palettelaager

Im vollautomaatische Hoochregaallaager (HRL) werded Iri Palette i tämperatuurgfüerte Chammere glaageret. Die händ es automaatischs Tämperatuurmonitoring. De Naachschuub wird jee nach Uuftrag im FEFO- und FIFO-Verfaare erleigt. D’Ettigettierig von de SSCC- und Versandetigette passiert ebefalls maschinegschtüüret.

Automaatischs Chliitäililaager (AKL)

Öises effiziänte AKL in Härkinge isch mit zwäi vollautomaatische und eim manuelle Pickplatz, mit Regaalsischteem, Regaalbediengräät, Fördertechnik und Stüürig uusgschtattet. 24’000 AKL-Behälter büüted Platz für über 70‘000 Artikel. Öises AKL in Felbe-Wällhuuse büütet mit 16‘000 Behälter Platz für 60‘000 Artikel. I dene bäide AKL schaffe mir nach «Waare zum Maa» und «Pick-bäi-Läit». Die platzschpaarend Laagerig isch bsunders für Chliitäli i Normaalbehälter gäignet und macht Iri Laagerchoschte variabel. Übrigens: Öises AKL isch usere Maasterarbet vomene Planzer-Mitarbäitende entschtande.

Laagertüpe und Tämperatuurbereich

Jee nach Art vo Irne Produkt und vo de Tämperatuurbedürfnis unterhalted mir Speziallaager – zum Biischpil für Gfaargüeter oder Farmaprodukt – und Tämperatuurbereich vo tämperatuurgfüert über Eimbiänt bis Chüellaager – zum Biischpil für Läbesmittel.

Kanban

Falls Si Iri Produktion a Kanban uusrichted, sind Si bi öis genau richtig. Mir schtelled en Kanban-Prozäss uf d’Bäi, wo exakt zu Irere Wärtschöpfig passt, berächned Mindescht- und Maximalbeschtänd und packed oder laagered d’Waar i vordefiniärte Normbehälter. So chömir Iri Güeter punktgenau a Ire Produkzioonsprozäss aalifere. Öises erfaarene Autsoorsing-Projäkttiim unterschtüzt Si i Irne Kanban-Prozäss, entwiklet Optimiärigsalternatiive für Ire Produkzioonsporzäss und setz dä a Irne Standört um,

Luftfrachthändling

Bevor Iri Luftfracht «rädi for teik-off» isch, machemir si «rädi for käritsch». Das heisst, si wird suuber gleiblet – wänn nötig mitem entschprächende Gfaarguetleibel – , nach de strängschte Sicherhäitsvoorgaabe gskriint, rächtziitig vorghoolt und pünktlich zuegschtellt. Zum Luftfrachtersatzvercheer ghööret au, dass mir d’Palette für di disponiärte Flugzüüg zentimeetergnau boued, beschtücked und d’Sändige entsprächend druf absichered.

Individuelli Chundelöösige

Für d’Beräitschtellig und de Verlaad vo mänge Güeter bruuchts en individuelli Löösig. Zum Biischpil chunnt für Hushaltgräät öise halbautomaatisch Palettiärer und vollautomaatisch Wickler in Määrschtette zum Iisatz. Sonigi Löösige erräiched d’Renditegränze mäischtens nach weniger al zwäi Jaar.

Chundeportaal

I öisem webbasiärte Chundeportaal hämer sämtlichi elektroonische Diänscht us Laager- und Transportlogistik wiä Uuftraagserfassig, Laagerbeschtandsübersicht, Sändigsverfolgig und mee für Sii zämegfüert.

LogNet
So häisst öises wäbbasierte Laagerlogischtiktuul für Gschäfts- und Privaatchunde. Daa erfassed Si Bschtelige, Konfäkzionierigs- und Kommissionieruuftääg, verwalted Iri Artikelschtammdaate, lueged in Ire Beschtand, verwalted Sperrschtaatus und chönd Liferschii oder Rächnigsbiilaage aaluege und exportiäre. Sämtlichi Dokumänt über Iri Laagergüeter sind bi öis elektronisch archiviärt.

Login

Is Chundeportaal iilogge
Demoversioon aaluäge

Händ Si no käs Login zu öisem Chundeportaal? Iri Aaschprächpersoon hilft Ine gern wiiter.

Automaatischi Daateüberträägig

Überen elektroonischi Daateschnittschtell (EDI) verbindt öisi ÄiTii-Abtäilig Iri ERP-Softwäär mit öisem Transport- oder Laagerlogistiksischteem – oder sogar mit bäidem. So schteled mir sicher, dass ali transportrelevante Daate wiä Absänder und Empfänger, Waarenart, Schtuckzaal, Verpackig, Bruttogwicht, Abmässige oder ali für d Laagerlogistik wichtige Aagaabe wiä Artikelschtammdaate, Produktionsuuftraag, Schtuckliischte, Chundenuuftraag, Schtaatusbuächige oder Rötuurehändling mit Irne ERP-Daate überäinschtimed. Falls Si käi EDI-Schnittschtelle wünsched, chönd Si Iri Uufträäg manuell i öisem Chundeportaal erfasse.

Mee Vortäil, mee Wert

Mit öisere Laagerlogischtik halted Si Iri Laagerchöschte skalierbaar. Wil Si nur das zaled, wo Si nutzed.

Zudem mached Si Kapitaal frei, wo i Irere äigne Laagerinfraschtruktuur bunde isch.

Mir känded d’Bedürfnis vo Irne Güeter. So findemer für jede Laagerwunsch e geäigneti Löösig.

Rächtskonformitäät mit Aaforderige und Änderige vo Gsetz müend Si nüd länger beunruige. Das garantieremer.

Si dörfed uf d’Kwalitäät, d’Sicherhäit und d’Effiziänz vo öisere Laagerexpertiise zele.

Zuverlässig, effizient, lösungsorientiert, proaktiv – das sind die Eigenschaften, die uns spontan in den Sinn kommen, wenn wir an unsere Partnerschaft mit dem Unternehmen Planzer denken, das sich um den gesamten Transport unserer Stofftiere zu unseren Freiwilligen kümmert. Wir sind sehr stolz darauf, dass uns Planzer auch bei unseren Projekten zum Jahresende unterstützen kann.

Team Telethon Telethon
Team

Ire Aaschprächpartner

Patrik Meier
Patrik Meier Mitgliid vode Gschäftsleitig
Leiter Laagerlogischtik
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop