Sicherhäit ghöört zu de Prämisse vo öisere Gschäftstäätigkäit. Und dademit zu äim vo öisne Chernwert. Öisi Aktivitääte beziend sich uf Persoone (Arbetssicherhäit, Berächtigunge, Uus-/Wiiterbildig, Gsundhäit usw.) d’Planzer-Imfraschtruktur (Gebäude, Zuetritt, Faarzüüg, Elektro und anderi), technoloogischi Hilfsmittel (Technik, ÄiTii, Daateschutz) und uf d‘Chundewaar hiisichtlich korräkti Laagerig. Das isch sowool präventiiver als au reaktiiver Natuur und chunnt i diverse Maassnaame und Zertifikaat zum Uusdruck.

Läischtige, wo Si ruhig lönd lo schloofe

Bisness Kontinuiti Mänätschment (BCM)

Mit eme gschiide und gläbte BCM büügemer Vorkommniss voor, wo öisi Exischtänz chönnted bedrohe. So mäischteremer Nootfäll und Kriisesituazioone und schteled d’Kontinuitäät i öisne gschäftliche Aktivitääte sicher. Mit andere Wort: Mir sind für Sii en bschtändige Gschäftspartner, was au immer chunnt.

Zu öisem BCM ghöört en schtringänts Risiko-Mänätschment, di sischtemaatisch Kontinuitäätsplaanig bi exischtänzielle Uusfäll, e lückloosi Rössursseparallelitäät, uusfallsicheri Prozäss, ä regelmäässigi Schuelig und s’Träniere vo diverse Szenaariä. Läsed Si mee über öises BCM.

BCM-Broschüüre abelade

Arbetssicherhäit und Gsundhäitsschutz

Für d’Sicherhäit und dä Gsundhäitsschutz am Arbetsplatz hämer d’Branschelöösig vo dä Eidgenössische Koordinazioonskomissioon für Arbetssicherhäit (EKAS) und vom Schwiizer Nutzfaarzüügverband (ASTAG) übernoo.

Zu öisem Sicherhäitsdischpositiiv für di Mitarbäitende ghööred Sicherhäitsziil, -läitbild und -regle, e verpflichtendi Sicherhäitsorganisazioon, d’Uusbildig, Inschtrukzioon und Imformazioon, e regelmäässigi Gfaarenermittlig und Risikobeurtäilig und e griffigi Maassnaameplaanig,- umsetzig und -kontrole – und natüürli en iigüebti Notfallplaanig für «den Fall der Fälle». Übrigens isch öisi Arbetsplatzsicherhäit WHO-konform.

Brandschutz und Elektrosicherhäit

Mir üebed regelmäässig de allfälligi Brandfall. Für das füered öisi Sicherhäitsbeuufträite Evakuazioonsüebige dure und prüefed widerholt d’Brand- und Elektrosicherhäit i öisere Imfraschtruktuur wie Brandmälder, Sprinkleraalaage und anderem. Usserdem schtelemer sicher, dass d’Laagerig vo Gfaarguet sowool de Gfaarguetbeschtimmige wiä au de kantonaale Richtlinie entspräched.

ÄiTii-Sicherhäit und Daateschutz

Mit em Internet as zwäiti Realitäät sind virtuelli Risike entschtande, wo exischtänziell chönd sii – für öis gnauso wie für Sii. Mitere uusklüeglete ÄiTii und ere bewäärte Ssäiberversicherig büügemer de Häckeraagriff und em Daatemissbruuch voor. Usserdäm schaffemer äng mit de Mälde- und Analüüseschtell Imformazioonssicherig (MELANI) vom Bundesraat zäme. Da simer Mitgliid vo de MELANI Cloud Iuuser Gruup für kritischi Imfraschruktuure im Bereich Logischtik.

Othoräisd Ekonomik Opereiter (AEO)

De Schtaatus vom zugelaane Wirtschaftsbetäiligte oder Othoräisd Ekonomik Opereiter, churz AEO, beschiiniged öis Zueverläässigkäit hiisichtlich de Sicherhäit vo de internazionaale Liferchette. Dademit gnüüssed Iri Güeter Erliächterige bi sicherhäitsrelevante Kontrole, zum Bischpiil i de Luft- oder Seefracht.

Meerfach zertifiziärt

Sicherhäit chamer theoreetisch gwääre oder praktisch umsetze. Mir händ öis für bäides entschide. Das atteschtiäred öis diversi nazionaali und internazionaali Sicherhäits- und Kwalitäätszertifikaat (siihe au di naachfolgend Uuflischtig).


Sicherhäits- und Kwalitäätszertifikaat

AEO

BAZL

Bio-Inspecta

IFS Logistics

Sedex Smeta

SQAS

Swiss­medic

Mee Vortäil, mee Wert

Mer halted öises Sicherhäitsdispositiv für Si à schuur.

Wenn Sicherhäitsnorme ändered, müend Si sich nöd demit beschäftige – sondern mir.

S’Träning und d’Sensibilisiärig chönd Si ruhig öis überlaa.

Mer halted öisi Imfraschtruktuur uf em nöischte Schtand vo de Sicherhäitsaaforderige.

Mer schteled für Si di gsamt elektronisch Archiviärig sicher.

Si nutzed öises dichte Netzwerch zu de Partnerdienschtläischter und Behöörde.

Di passende Gschichte us öisem Blog dezue

Effizientes Hin und Her

Planzer engagiert sich mit swisscleantech für einen grüne(re)n Planeten

Teil für Teil eine Gesamtlösung

Iren Aaschprächpartner

Willi Gärtner
Willi Gärtner Mitgliid erw. Gschäftsleitig / Leiter KwalitäätsMänätschment & Naachhaltigkeit
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop