Im Raame vo öisere Reparatuurlogischtik wickled mer für Sii de Reparatuurprozäss ab und kombiniäred en mit öisem Houmserviss. Für das büüted mer Ine e Räie vo Dienschtläischtige us äinere Hand aa: S Abhole vo Fernsee, Monitoore oder andere elektroonische Gräät bim Ändchund, de Transport zum Reparatuurdienschtläischter, en allfeligi Verzolig, s Zwüsche- oder Iilaagere, d Erfassig und d Verwaltig vo de Daate und d Uusliferig an Verwändigsort.

Läischtige für ales wo mus repariärt werde

Abhole

I Irem Uuftraag holed mer s defäkte Gräät bi Irem Ändchund ab. Für das bringed mer schpeziell entwickleti Meerwäägverpackige mit wo maximaali Transportsicherhäit büüted und ökoloogisch verträttbar sind.

Transport

Mir transportiäred d Waar zu Irem Servisspartner oder i Ires äigne Ripäärzenter. Isch e Komponänte irreparaabel, so mälded mer Ine das umgeehend und nämed Iri Inschtrukzioone entgäge, zum Bischpiil de Uustuusch gäg e nöis Gräät. Falls gwünscht oder ggää, nämed mer di zolltechnisch Abwicklig für Sii voor.

Uusliferig

Sobald s Gräät repariärt isch, holed mers bi Irem Vertraagspartner ab, packeds wider transportsicher ii und bringeds Irem Ändchund zrugg. Für Gräät oder Komponänte bis 34 Zoll chönd Si öise Päckliserviss nuzze.

Daatenuzzig

Dank öisere mobiile Erfassig vo de Grääte- und Logischtikdaate schtönd Ine ali nöötige Imformazioone für e luggeloosi Dokumentazioon vo de Reparatuurhischtooriä und e vollschtändigi Zruggverfolgbaarkäit vo de Täili zur Verfüegig.

Serviss als Erläbniss

Nach de Bschtelig schtaat d Liferig für de Privaat- oder Gschäftsempfänger im Mittelpunkt. Grad bi Fitnessgräät, wo dihäi oder im Schtudio oft zuesäzzlichi Servissis wiä de Uufbou und s Zruggnää vo de Verpackig voorgseend. Mit de Web-Äpp vo öisem Houmserviss gnüüssed Iri Privaat- und Gschäftschunde Äxtras wiä Onläin-Termiinwaal, Sändigsaachündigung mit Läiv-Träcking und viles mee. Bi Fraage hilft öise zentraal Chundediänscht gern wiiter.

Mee Vortäil, mee Wert

Mit öisne toppmotiviärte Mitarbäitende und ere Steit-of-di-Aart-Softwäär für Houmserviss-Dienschtläischtige schteled mer e maximaal positiivs Ändchundenerläbnis sicher.

Das schafft Vertroue und zallt sich für Ires Undernäme meerfach uus.

Falls gwünscht, soorged mir über elektroonischi Daateschnittschtele (EDI) für e naatloosi Aabindig von Irne ERP a öises Sischteem. Dur das entfallt di manuell Sändigserfassig, will d Daate automaatisch übermittlet werded.

Mit Hilf vom TransNet erfassed Si nöii Sändigsuufträäg – jederziit und vo überall uus.

Für Sii roled Planzer-äigni Faarerine und Faarer uus, wo mir i öisne huusäigne Uusbildigszäntre gschuelt händ.

Diä bediäned Iri Empfänger i de entschprächende Landesschpraach und mäischtens sogaar im passende Dialäkt.

Ändchunde gänd öisem Houmserviss erfröilich gueti Reiting-Noote.

Di passende Gschichte us öisem Blog dezue

Kundeninterview: Kindschi Söhne AG

Wir übernehmen Quickpac und Quickmail

Jedes Paket hat seine eigene Geschichte – Planzer Weihnachtsvideo 2023

Ihr Ansprechpartner

Heinz Wiedemeier
Heinz Wiedemeier Mitgliid vode Gschäftsleitig
Leiter Planzer Homeservice
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop