En usgwogni und umwältverträäglichi Ernäärig isch öis wichtig. Mit andere Wort: gsundi Naarigsmittel us de Regioon, käi Fuud Weist, schoonendi Zueberäitig, umwältverträägliche Transport. Drum sind öisi äigne Personalreschterant öffentlich zuegänglich. Im «TruckStop» z Härkinge, im «Triago» z Prattele und im «Plavissimo» z Villmergä isst nöd nu de Verschtand mit, sondern au s’Portmonee. Usserdem sind öisi Reschterant beliebti Begägnigsort.

Läischtige, wo Appetit mached

Planzer-Reschterant

Wer schafft, hät Hunger. Aber Hunger isch nöd öisi äinzig Motivazioon i de Chuchi. I öisne Personaalreschterant chunnt das uf de Tisch, was de Mänsche guet tuet – de Mitarbäitende gnauso wie de bräite Öffentlichkäit. Mir choched jede Taag frisch und voor Ort. Debii achtemer gnauso uf Kwalitäät und Herkumft vo de Naarigsmittel wiä uf die schoonendi Zueberäitig und en fääre Priis.


TruckStop Härkingen



Planzer Transport AG
Pfannenstiel 12
4624 Härkingen

Iri Aaschprächperson
Markus Lehner, Restaurantleiter
mlehner@planzer.ch

 

Im Truckstop z Härkinge verwöned mer Si vom 6:00 bis 13:30 Uhr mit fäine Znünis, eme riichhaltige Salatbüffee, frisch zueberäitete Mittagsmönüs und natürli: Kafi und Süessigkäite. Alles für di guet Luune.

Wiiteri Imformazioone und de aktuelli Mönüplaan finded Si uf:truckstop.ch

Restaurant Triago Pratteln



Planzer Transport AG
Restaurant TRIAGO
Salinenstrasse 61
4133 Pratteln

Iri Aaschprächperson
Patrice Bagréaux, Restaurantleiter
triagorestaurant@planzer.ch

 

S’Gaschtrokonzept z Prattele isch so flexiibel, wie Si das vo öisne Logischtikprofis käned. Am Mittag zum Löndsche, am Abig zum Laundsche.Vo dä Kafipause bis zum Galadinner gäbed mir Ine da alles für jede Aalass und en Grund zum Fiire.

Mee uf: restaurant-triago.ch

Plavissimo Villmergen



Planzer Transport AG
Restaurant Plavissimo
Allmendstrasse 14A
5612 Villmergen

Iri Aaschprächperson
Dominik Rüttimann, Restaurantleiter
druettimann@planzer.ch

 

Im Plavissimo bim Planzer Villmerge sorgemer für guäten Appetit und guäti Schtimig. Miteme schtäilische Interiöör und ere Räie vo Köschtlichkäite, vom Häppli bis zum naarhafte Happe. S’Ambiente im Plavissimo chönd Si gärn für Ire nächscht Firmenaalass miäte – Keitering inbegriffe.

Mee Vortäil, mee Wert

Schnälls Ässe mues nöd ungsund sii: In öisne huusäigete Reschterant ässed Si uusgwoge, priiswert und schnäll – ime aagnääme, familiääre Ambiente und uf jede Fall gnueg.

Füeuufsteher uufpasse!: An äinige Standort sind öisi Reschterant scho ab de 6i am Morgen offe.

De Umwält z’liäb achtemer bim Iichauf vo de Läbensmittel gnau uf d’Herkunft, Kwalitäät und Sünergiiä bim Transport. Au da liit öis d’Regionalitäät am Herze.

De Verluscht vo Läbensmittel reduziäremer uf es Minimum – dadefür sorged öisi Chuchischeffs bi irere kreatiive Reschteverwertig.

Mer legged Wert uf e schoonendi Zueberäitig und verzichted uf unnötigi Zuesatzschtoff.

Irem Undernäme bschäred mer gern en unvergässliche Ivent und verwöned Si mit bsundere Läckerbisse.

Möchted Si diä Siite wiiterempfele?

Iren Aaschprächpartner

Oliver Bellasi
Oliver Bellasi Leiter Gaschtronomii
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps