Öb uf der Straas, im Laager oder im Büro; bi Planzer gömer gemäinsam i di gliich Richtig. Als Familiäundernäme mit über 80 Jaar Gschicht boue mer uf das, was öis starch macht – öisi Mitarbäitende.

«Mir gschtalted en Arbetswält, wo Mänsche gern Verantwortig übernämed, sich wiiterentwickled und em Undernäme verbunde bliibed.»

Öisi Wert wie Vertraue, Reschpäkt, Verantwortig und Aaschtand sind käi lääri Wort, sondern Täil vo öisem Alltag. Wer bi Planzer schafft, bringt sich ii – mit Chöne, Haltig und Tiimgäischt. Du suechsch nöd äifach nur en Tschopp, sondern en Ufgaab mit Sinn und Bewegig? Dänn bisch bi öis genau richtig.

Keep on truckin’ – mit dir underwägs

Intressiert?

Mir sueched ständig nöii motivierti Mitarbäitendi. Egal öb mit Bruefserfaarig, als Kwääriischtiiger oder Leerling – erfaar mee über öisi offne Schtele und über öisi Leerschtele.

Mir fröied öis uf diich.

Mir sueched diich!

Zu de Tschöpps

Aktuelli Leerschtele finde

Zu de Leerschtele

Das erwartet dich

Diversi Ivents und Aaläss

Zäme Fiire schafft ächti Verbindig

Bis zu 6 Wuche Färie

Mee Ziit für dich und dini Familiä

Xund unterwägs

Mir füered es äignigs Gsundhäitsmänätschmänt und angaschiered öis für soziaali Naachhaltigkeit

Du-Kultuur

Mir sind per du – vom Lernende bis zur Gschäftsläitig

Flachi Hierarchiiä

Du bringsch dich ii und mir dich wiiter

Wiiterbildig

Mir fördered dis Potenziaal

Familiäundernäme Planzer

I öisere fascht 100-jäärige Undernämesgschicht hämer für öis grundlegendi, ächti Wert entwicklet, wo mir i de tägliche Zämearbet läbed und schetzed.

Mee zum Undernäme

Mir beschäftiged Persoone us

95

Nazioone

S’durchschnittliche Dienschtalter liit bi

6

Jaar

Im Durschschnitt chömed rund

60

ehemaaligi Mitarbäitendi pro Jaar i öises Undernäme zrugg

Wiiteri Theme rund um Planzer

Bruefsiischtiig bi Planzer

Planzer büüted gruppewiit rund 15 Grunduusbildige aa, voralem i handwerkliche Brüef. Mee als d’Helfti vo de Mitarbäitende hät e sone Uusbildig absolviert, zum Biischpil als Straasetransportfachfrau/-maa, Logischtikerin/Logischtiker oder Automobiil-Mechatroniker/Mechatronikerin.

Leerschtele finde

CZV-Wiiterbildig

D’Schofföörezuelassigsverornig – churz CZV – verpflichtet ali Inhaberine und Inhaber vomene Fääikäitsuuswiis zu de Wiiterbildig. Innerhalb vo föif Jaaar müend Si föif Tääg Wiiterbildig bimene ASA-anerkannte Wiiterbildigshuus absolviäre. Also zum Bischpiil i de Planzer-Uusbildigszäntre in Dällikon, Härkinge und Penthalaz.

Da chömed Si zu öisere Kursübersicht und chönd diräkt en Kurs bueche – uf Düütsch oder Französisch.

CZV Kursübersicht

Öises Dienschtläischtigsaagebot

Mir sind nüd nur mit öisne Laschtwäge underwägs, sondern sind en gsamthäitliche Logischtikdienschtläischter. Find use, i welne Beräich mir überall täätig sind.

Zu öisne Gsamtlöösige