D Nacht sötti für Sii schaffe. Drum hämer de Nachtserviss Kwali-Näit is Läbe grüeft. Mir holed Iri Waare am veriibaarte Versandort ab und transportiäred si ooni Umschlaag zu öis nach Köllike. Daa werded d Sändige sortiärt und uf d Zueschtelltuure vertäilt.

D Uusliferig vo de Sändige findt i de gliiche Nacht bis am Morgen am Sibni i de gsamte Schwiiz und z Liechteschtäi statt – under anderem au im Servisswage vo Irne Techniker oder diräkt i Iri Werchschtatt, dass d Ersazztäili vorem Arbetsaafang vor Ort sind.

Nacht für Nacht Beschtläischtige

Näit-Serviss nazionaal

Iri Päckli steled mir i de ganze Schwiiz und im Fürschtetum Liechteschtäi bis spöötischtens am Morgen am Sibni zue. Znacht am Zäni isch Kat-off-Täim. Si chönd öis Sändige bis 200 Kilo und 3 Meeter Längi mitgää, usser:

– Edelmetall
– Uure
– Gält
– Wertpapiir
– Medikamänt

Näit-Serviss internazionaal

Euroopa liit für öis uf em Arbetswääg. Au da gilt e garantiärti Uusliferig bis am Morgen am Sibni. Allerdings legged mer d Kat-off-Täim individuell fescht. Guet z’wüsse: D Bürokratii vo de Verzolig übernämed mer für Sii.

Iuropiiän Serviss Lodschistiggs Ässossieischen (ESLA)

ESLA veräint di beschte Nachtexpress-Dienschtläischter us 20 öiropäische Länder. Als erschts und äinzigs Schwiizer Undernäme mached mir Ine d Vortäil vo dem Netzwerch znutze: Priimiäm Kwalitäät, absoluuti Termiintröii und Meerwertläischtige.

Rötuuremänätschment

Bi de Abholig vo Stückguet für de Nachtexpress nämed mer Iri Rötuure am nächschte Taag wider mit. Expresstuure sind uf Wunsch innerhalb vo 36 Schtund wider bi Ine. Mit «Träck&Treiss» chönd Si jedi äinzelni Sändig und jedi Rötuure naaverfolge.

Nachtexpress in Zaale

Bi öisem Partner für Overnäit-Servisses Quali-Night AG reded d Zaale für siich: Nacht für Nacht schickt d Quali-Night iri Nachtschwäärmer uf 90 regulääri Tuure i de Schwiiz und im Fürschtetum Liechteschtäi. So erräiched 4’000 Sändige bis am Morgen am Sibni ires Ziil. Das entschpricht 10’000 Packschtuck oder 100 Tone vo transportiärte Waare.

Voorschprung wägem Nachtschprung

Verfüegbaarkäit, Gschwindigkäit, Zueverlääsigkäit, Sicherhäit – diä und wiiteri Äigeschafte sind im Ouvernäit-Bisness gfrööget. Käne wäiss das so guet wie d Winkler Fahrzugteile GmbH. Drum hät sich s süüdtüütsche Familiänundernäme i de Schwiiz für Kwali-Näit als Nachtdienschtläischter entschide. «En Täil vo öisem Erfolg verdanked mir professionelle Partner wie Kwali-Näit», säit de René Horath, Verchaufsläiter Schwiiz.

Chundeportaal

I öisem webbasiärte Chundeportaal hämer sämtlichi elektroonische Diänscht us Laager- und Transportlogistik wiä Uuftraagserfassig, Laagerbeschtandsübersicht, Sändigsverfolgig und mee für Sii zämegfüert.

Träck & Treiss
Da demit verfolged Si Iri Stückguet-, Nacht-, Houmserviss- und Päcklisändige kwasi in Ächtziit. Will mir ab em Waareniigang jedere Versandäinhäit en elektroonischi Fuessfessle aalegged. So wüssed Si immer ganz genau, wo Iri Sändig underwäx isch. Sobald mir si uusgliferet händ, schtaat d Uusliferigsbeschtäätigung spöötischtens drüü Minuute nach de Underschrift vom Empfänger als PDF für Sii beräit. Usserdem chönd Si di automaatische Benaachrichtigunge de Bedürfnis vo Irne Chunde aapasse.

TransNet
Mit dere Äpp bewirtschafted Si Iri Transportuufträäg schnäll und sicher. Si erfassed si diräkt im Sischteem oder mutiäred wichtigi Eggdaate wiä Empfänger-Inschtrukzioone, Liferziit oder d Art vo de Waar. Sämtlichi Daate vo aktuelle Uufträäg bliibed schtändig erhalte und für Sii jederziit iiseebaar.

Login

Is Chundeportaal iilogge
Demoversioon aaluäge

Händ Si no käs Login zu öisem Chundeportaal? Iri Aaschprächpersoon hilft Ine gern wiiter.

Automaatischi Daateüberträägig

Überen elektroonischi Daateschnittschtell (EDI) verbindt öisi ÄiTii-Abtäilig Iri ERP-Softwäär mit öisem Transport- oder Laagerlogistiksischteem – oder sogar mit bäidem. So schteled mir sicher, dass ali transportrelevante Daate wiä Absänder und Empfänger, Waarenart, Schtuckzaal, Verpackig, Bruttogwicht, Abmässige oder ali für d Laagerlogistik wichtige Aagaabe wiä Artikelschtammdaate, Produktionsuuftraag, Schtuckliischte, Chundenuuftraag, Schtaatusbuächige oder Rötuurehändling mit Irne ERP-Daate überäinschtimed. Falls Si käi EDI-Schnittschtelle wünsched, chönd Si Iri Uufträäg manuell i öisem Chundeportaal erfasse.

Mee Vortäil, mee Wert

Mit öis verängered Si Iri Dienschtläischtigsziit für Iri Chunde um d Nacht und verbessered Iri Effiziänz.

Dank öisem Nachtexpress schaffed Si «täim-tu-market». Das reduziärt kapitaalintensiivi Laagerbeschtänd.

Uf Irere Nachtexpressruute faart immer de gliich Profi. Dä kännt d Situazioon vor Ort und Iri Speziaalwünsch.

Iri Ruute wird elektroonisch und ziitoptimiärt zuetäilt.

Mir avisiäred Iren Empfänger per SMS, dass er di nächschti Nacht e Liferig überchunnt.

D Waare schteled mer zentimeetergnau deet hii, wos Ire Epfänger will haa.

Mit modernschte Iirichtige sorged mer für e sichers Transportiäre und liisligs Uuf- und Ablade.

Öisi videoüberwachti Umschlaagplattform garantiärt di höchschti Sicherhäit und maximaali Effiziänz bim Umschlaag.

Dank «Track&Treiss» sind Si rund um d Uur über de Liferstaatus vo Irne Sändige imformiert.

Einen Teil unseres Erfolgs verdanken wir professionellen Partnern wie Quali-Night.

René Horath Winkler Fahrzeugteile GmbH
René

Ire Aaschprächpartner

Adamo Pitzalis
Adamo Pitzalis Gschäftsfüerer Quali-Night
Adrässe

Quali-Night AG
Hardfeld 3
5742 Kölliken

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop