Mit em Luftfrachtersazzvercheer (Roud Fiider Serviss) transportiäred mer Iri Luftfracht under Zollverschluss uf de Schtraass. So füered mer d Frachtgüeter a Irne Hauptflughäfe zäme. Für das sezzed mer modernschti Tschumbo-Treiler mit Rollerbett, kwalifiziärti Faarerine und Faarer und e duredänkts Sicherhäitsdischpositiiv ii.

Läischtige mit Flügel

Schpeziaalfaarzüüg

Öisi Faarzüüg für de Luftfrachtersazzvercheer sind mit Rollerbett-Sischteem uusgschtattet. Mit dem nämeds Flugzüügkonteiner oder Luftfrachtpalett uuf, wo exakt em Innere vomene Flugzüügrumpf entschpräched. Di mäischte LKW sind als Tschumbo-Treiler uusgläit. Und d Tämperatuurkontrole für de (Chüel-)Transport vo Arznäimittel isch rund um d Uur gwäärläischtet.

Schpeziaalfaarpersonaal

Uf Ruute vom Luftfrachtersazzvercheer sind nur verlässlichi und professionelli Faarerine und Faarer mit ere Luftfracht- und ADR-Uusbildig im Iisazz. Si sind sich an Umgang mit Häändling-Agänte und a di verschäärfte Sicherhäitsmaassnaame gwönnt – und händ au käi Angscht vor Schpüürhünd.

Schpeziaalsicherhäit

Im Luftfrachtersazzvercheer gilt en erhööti Sicherhäitsschtuufe. Zum Bischpiil wird d Fracht für d Faart plombiärt und erscht nach ere Kontrole am Ziilflughafe freiggää. Usserdem sueched sogenannti «Schnüffler» d Faarzüüg nach Schprängschtoff ab, bevor s Entlade mögli isch.

Schpeziaalschtaatus

Mir agiäred für Sii als Regiuleited Eidschent (RA). Das bedüütet, dass öis s Bundesamt für Ziviilluftfaart (BAZL) de Schtaatus vomene Luftfracht-Sicheren-Agänt ggää hät. Mit dem chömer sicheri Luftfracht a ali öiropääische Flughäfe transportiäre. Für das bruuchts es Sicherhäitsprogramm mit gschueltem Personaal.

Usserdem erfüled mir bi Planzer Villmergen und Pratteln sämtlichi Sicherhäitsvoorgaabe vom internazionaale Waarevercheer als Aathoräisd Iiconomic Opereiter (AEO). Mit dem werded mer mit Irne Sändige im Flughafe flott duregwunke. Das schpaart Ziit und Soorge.

Mee Vortäil, mee Wert

Uf di regelmäässig prüefti Kwalitäät und kompromissloosi Sicherhäit vo öisne Faarzüüg dörfed Si zelä.

Uf öisi Frachtfüererine und Frachtfüerer isch Verlass. Äinersiits sinds hervoorraagend für de Luftfrachtersazzvercheer uusbildet und andersiits guet zallt.

Will mer en Täil vo de Fracht zu Irem Hauptflughafe füered, entlaschted mer Iri Flugfrachtkapazitääte.

Als zueglaane Wirtschaftsbetäiligte bürged mir für d Zueverlääsigkäit vo Irere internazionaale Liferchette.

Dank der sehr hohen Qualität, Flexibilität und Kompetenz ist Planzer seit nun mehr als 20 Jahren DER Luftfracht-Logistikpartner für unsere Sendungen an die verschiedenen europäischen Flughäfen. Wir sagen herzlichen Dank für euren tollen Einsatz!

Martin Spiess United Airlines Schweiz
Martin

Ire Aaschprächpartner

Andy Berger
Andy Berger Filialleiter
Adrässe

Planzer Transport AG
Frachthof West
8058 Zürich-Flughafen

+41 (0) 44 / 744 64 64 Zum Kontaktformulaar Zum Chundeportaal Standort Tschöpps