Zügle isch für vili e Belaschtig. Miir reded vo Entlaschtig. Öisi Netzwerchpartner Kuoni (Graubünde) und Ruckstuhl (Oschtschwiiz) erlediged für Sii s Zügle vo Huusraat oder vom gsamte Firmeschtandort. Usserdem übernämeds uf Wunsch sämtlichi Uufgabe, wo Sii Ziit und Nerve choschted. Zum Bischpiil s Ii- und Uuspacke oder s Iilaagere vo Huusraat oder Büromobiliaar. De positiivi Schwung vom Zügle für Ires Privaatläbe oder Ires Undernäme mached mir Ine gern znuzze.

Läischtige für en glungne Nöistart

Privaatzüglete

Mööbel, Gschiir, Büecher, Chläider, Bäiks, Pnöö – was Si au immer i Ires neue Dihäi begläitet, dörfed Si öisem iigschpillte Zügeltiim aavertroue. Für das sezzed mer Faarzüüg mit modernschte Sicherhäitsiirichtige und wänn nöötig en Waarelift ii; und natüürlich hundertprozäntigi Soorgfalt. Au inklusiive isch di fachkundig Demontaasch am alte und di gwüssehaft Montaasch am nöien Ort.

Gschäftszüglete

De Wächsel vome Firmeschtandort cha Ire Betriib belaschte. Ussert er wird akkuraat organisiärt und gwüssehaft duregfüert. Da loont sichs, erfaarni und guet vernetzti Partner is Boot z hole. Öises Aagebot für Iri Gschäftszüglete isch villfältig: Rundumberaatig, Detäilplaanig, Transport vo de Zügelwaar, Parkplatzschperige, Bewiligunge, vollschtändigi Rekonschtrukzioon vo de Arbetsplätz, ÄiTii-De/Inschtallazioon, Sicherhäitsdischpositiiv für häikli oder wertvolli Güeter, Iilaagere vo Reschtmobiliaar, Entsoorge vo Verpackigsmateriaal und alte Mööbel. Wi vill der wi wenig entschäided Sii.

Verpacke, Uuspacke, Zügelschopp

Gern wickled mir für Sii s Verpacke i Karton und Chläiderchischte ab. S gliiche gilt für Büro- und Kompiuutermateriaal. Für das nämed mer Ggüvette für Ordner, Schpeziaalkarton für Hängeregischtratuure, schtabiili EDV-Boxe, Luftpolschterhüle, Deckene und wiiteri Zügelhilfsmittel. Und natüürlich schteled mer Ine vorher ales nöötige Verpackigsmateriaal diräkt oder über öise Zügelschopp zue.

Iilaagere vo Mobiliaar

Grossundernäme mit vill Arbetsplätz oder meerere Schtandort händ normalerwiis schtandardisiärts Arbetsplatzmobiliaar. Für das fäält oft de nöötigi Laagerruum oder er isch schlicht z tüür. Drum chönd Si bi öis höchwertigi Laagerflächene i de ganze Schwiiz miäte. Iri Uusschtattig lifered mer bis uf Abruef id Niderlassig und schteled si im gwünschte Büro vollschtändig uuf. Usserdem füered mer en elektroonischi Inventaarlischte, so dass Si Ires Mobiliaar jederziit onläin überblicked.

Zügle vo dä Oschtschwiiz is Ussland

Wänn Iri Firma oder Ire Huusraat d Schwiiz verlaat, sind Si bi öis gnau richtig. Mir (öise Netzwerchpartner Ruckstuhl) holt und verpackt Möbel und Gägeständ und organisiert Umzüg i die ganz Wält. Us organisatorische Gründ mues de Be- oder Entladeort i dä Oschtschwiiz sii.

Mee Vortäil, mee Wert

Vo de äifache Privaatzüglete bis zu de komplexe Firmezüglete mit meerere Schtandort – mir füered i de Regioon Oschtschwiiz und z Graubünde jedi Art vo Züglete dure.

Debii halted mer sämtlichi Bedingige vo de ASTAG für Züglete ii.

Ire Betriib lauft ooni Verluscht vo Betriibsziit und ooni Ärger wiiter.

Für d Sicherhäit von Irne Mööbel roled öisi hoochmoderne Zügelfaarzüüg uus.

D Montaasch und d Demontaasch vo Mööbel übernämed uusbildeti Schriiner oder gschuelts Personaal.

Für bsunders schwääri Iirichtigsgägeschtänd und d Beförderig i oberi Etaasche sezzed mer en Mööbellift ii.

Inventaarmööbel für Iri Firmeschtandort i de ganze Schwiiz chönd Si bi öis iilaagere.

Wir sind sehr beeindruckt von der Fach- und Sozialkompetenz des Personals. Sehr freundlicher und wertschätzender Umgangston. Ja, das Zügeln war perfekt mit Ihrer Mannschaft... Danke...Danke

Herr Heuberger Privatperson

Ire Aaschprächpartner

David Looser
David Looser Umzugsleiter
Adrässe

Ruckstuhl Transport
Piccardstrasse 13
9015 St. Gallen

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop