Mit de Margge Planzer Homeservice büüted mer Ine als Herschteller oder Händler en eerschtklassige Liferserviss zu Irne Privaat- oder Gschäftschunde. So begägned mer em schtiigende Bedürfnis vonere kwalitatiiv hööchschtehende Ändchundebeliferig vo Waare wo möglicherwiis mee sötted, als nur uusgliferet werde.

Läischtige wo gern häi chömed

Planzer Homeservice

Topp gschuelti Mitarbäitendi, moderni Infrastruktuure, Werchzüüg und modernschti Technologiiä garantiäred en iidrücklichs Lifererläbnis. Für das büütet öisi Homeservice-Softwäär Irne Waarenemfpänger e Räie vo praktische mobiile Opzioone. Bi Fraage rund um d Liferig schtaat Ine und Irne Chunde öise zentraali Chundediänscht jederziit gern zur Verfüegig.

Wääled Si zwüsched zwäi Dienschtläischtige mit underschidliche Zuesazzopzioone:

Homedelivery

Liferig bis an Randschtäi

Bi de Baasisvariante Homedelivery lifered mer Iri Sändig bis zum Randschtäi vo Irne Privaat- oder Gschäftschunde – ooni zuesäzzlichi Dienschtläischtige. Diä Uufgaab übernimmt e kwalifiziärti Persoon.

Homedelivery+

Liferig an Verwändigsort plus Zuesazzopzioone

Bi Homedelivery+ lifered mer d Bschtelig an Verwändigsort. Das isch mäischtens d Wonig oder de Gaarte, chan aber au es Büro oder en Schopp sii. Für das schicked mer zwäi kwalifiziärti Persoone loos. S Plus schtaat für praktischi Opzioone wo Si individuell chönd dezuebueche.

Zuesazzopzioone mit Homedelivery+

Uuspacke und Mitnää vo Verpackigsmateriaal

Öb dihäi, im Büro oder im Gschäft – mir packed di gliferete Waare uus, nämed sämtliches Verpackigsmateriaal mit und füereds enere professionelle Entsoorgig oder Widerverwertig zue.

Fachgrächts Entsoorge vo alte Mööbel

Falls alti Mööbel Irne Nöiaaschaffige müend wiiche, nämed mer ales Altgediente mit und entsoorgeds sachgemääss.

Fachgrächts Entsoorge vo alte Gräät

Grill, Wöschmaschine oder Fernsee – was au immer für Gräät ersezzt werded, mer nämed si mit und entsoorged si soo, wi sichs ghöört.

Montiäre und Inschtalliäre vo Mööbel und Gräät

Vilicht möchted Iri Chunde di bschtellte Mööbel und Gräät nöd sälber uufboue. I dem Fall legged öisi gschuelte Mitarbäitende gern Hand aa.

Privaat- oder Gschäftschunde nuzzed d Villfalt vo öisere Homeservice-Softwäär.

Perfäkt für Ii-Komerss- und Multitschäneling: «Planzer Homeservice» Gsamtlöösige

Mit de webbasiärte Technologii vo Homedelivery und Homedelivery+ sind Iri Chunde grad meerfach im Vortäil.

  • Dünaamischi Onläin-Termiinuuswaal
  • Beschtäätigung vo de Sändig und Avisiärig uf 2 Schtunde gnau
  • Voraakündigung wänn d Sändig underwäx isch
  • Läiv-Träcking
  • Diräktkommunikazioon mit Faarerine und Faarer über e verdeckts Tschättfänschter
  • Passende Serviss vor Ort ufgrund vo produktbasiärte Imformazioone
  • Bewertig und Reiting vo de Dienschtläischtig

S Lifererläbnis vo Planzer Homeservice

D Waar wird im Onläinschopp oder vor Ort ime Gschäft zallt. Ab da chunnt de Planzer Homeservice is Schpiil. Sobald mer Iren Uuftraag überchoo händ, planed mer di minutegnaui Liferig.

Termiinuuswaal

Nach em Chauf chömed Iri Chunde per SMS und Ii-Meil en Link zu de Termiinwaal über. Für das bruuched si kä zuesäzzlichi Äpp. Mir büüted sächs Wunschtermiin zur Uuswaal aa. Passt käne vo öisne Voorschlääg, chönds d Uuswaal erwiitere. Usserdem döörfeds iri Kontaktaagaabe prüefe und korigiäre.

Liferaakündigung

Näbet de Wunschermiinuuswaal chamer d Kontaktaagaabe nomal überprüefe und korigiäre (Beschtäätigung & Apdeits). Usserdem schtaat e wiiters Fäld für Bemerkige und Liferhiiwiis – bischpiilswiis «Bitte nöd vor de Garaascheniifaart parkiäre» — zur Verfüegig.

Läiv-Träcking

Äin bis zwäi Täg vor em veriibaarte Lifertermiin schikked mer e wiiters SMS und Ii-Meil. Mit dem gränzed mer das 4-Schtunde-Ziitfänschter uf zwäi Schtunden ii. Zirka e Schtund vor dem Ziitfänschter chömeds en Link zum Läiv-Träcking über. Ufere Chaarte gseends jetzt öises Faarzüüg us de Vogelperschpektiive. Oder si wächsled grad id Striitviuu-Aasicht.

Tschätt

Wänn öises Tiim zum Liferort underwäx isch, chamer ime verdeckte Tschättfänschter mit de biifaarende Persoon komuniziäre. I dem Tschätt git mer wiiteri hilfriichi Imformazioone für e riibigsloosi Aaliferig dure oder bringt Wünsch aa. Zum Bischpiil: «Bitte uf di underscht Lüüti drucke.»

Vor-Ort-Tschägg

Je nach dem, weli Lifervariante und Zuesazzopzioone Sii für Iri Chunde gwäält händ, erbringt öises Homeservice-Tiim wiiteri Dienschtläischtige: Mir packed d Waar vor Ort uus, montiäred oder inschtaliäred si und nämed s Verpackigsmateriaal oder die alte Mööbel und Gräät wider mit zum ales fachgrächt entsoorge.

Reiting

Iri Chunde täiled öis mit, wiä si d «Planzer Homeservice» erläbt händ. Nur soo chömers bim nächschte Maal gnau so guet oder besser mache. Öises webbasiärte Bewertigssischteem isch natüürlich vollschtändig anonümisiärt.

Daatekonsischtänz

Vo de Bschtelig über d Termiinplaanig bis zu de Uusliferig vo de Sändig bliibed Iri Daate und Zuesazzimformazioone unveränderet und vollumfänglich sicher (end2end). Mit dem verlüüred weder Sii no mir unnöötig Ziit mit em Überträäge und Aktualisiäre vo Daate.

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Mee Vortäil, mee Wert

Topp uusbildets Personaal und e Steit-of-di-Aart-Softwäär schteled e maximaal positiivs Ändchundenerläbnis sicher.

Öisi ÄiTii bindt über en elektroonischi Daate­schnittschtell (EDI) Iri ERP-Sischteem naatloos a öisi Logistikdaaten aa. So mached Si sich d Daate vo öisere Logistik und Irne Ändchunde znuzze.

Mit Hilf vo TransNet erfassed Si nöii Sändigsuufträäg – jederziit und vo überall uus.

Das schafft Vertroue und zallt sich für Ires Undernäme meerach uus.

Ändchunde gänd öisem Houmserviss erfröilich gueti Reiting-Noote.

Für Sii roled Planzer-äigni Faarerine und Faarer uus wo mir i öisne huusäigne Uusbildigszäntre gschuelt händ.

Diä bediäned Iri Empfänger i de entsprächende Landesspraach und mäischtens sogaar im passende Dialäkt.

BRACK.CH liefert Service. Was wir in Zusammenarbeit mit Planzer liefern, geht über das reine Produkt hinaus. Um den Einkauf abzurunden, bieten wir unseren Kunden direkt im Onlineshop zahlreiche Services an. Diese reichen von verschiedenen Lieferarten bis hin zu Aufstell- oder Montageservices. Planzer übernimmt für uns Lieferung, Terminabsprache sowie bei Bedarf auch den kompletten Aufstellservice.

Sascha Kappeler BRACK.CH
Sascha

Ihri Aaschprächpartner

Zentraale für Chundenaaligge
Zentraale für Chundenaaligge
Anfraage für Offertä
Adrässe

Planzer Transport AG
Lerzenstrasse 14
8953 Dietikon

Ihre Aaschprächpartner us de Gschäftsläitig

Heinz Wiedemeier
Heinz Wiedemeier Mitgliid vode Gschäftsleitig
Leiter Planzer Homeservice
+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop