De Stückguettransport hät bi öis Tradizioon siit 1936. Über all diä Jaarzäänt hämer öises Chöne naachhaltig verfiineret. So transportiäred mir hüt 60% vo Irne Stückgüeter über d Nacht mit em emissioonsarme Zuug id Ziilregioon. 

Mit eme effiziänte Netzwerch und ere gschiide Disposizioon bringed mir Iri Waare choschteoptimiärt i Iri Regioon. Deet wird si vo öisne orts- und fachkundige Faarerine und Faarer fiinvertäilt; ganz gliich, öb is hinderschte Taal oder zmittscht id Schtadt mit öisere Ssitti-Logistik.

Guäti Läischtige für beschti Güeter

Stückguettranspört

De Zuug im Mittelpunkt
Im Stückguettransport güned diä wo Erräichbarkäit, Erhältlichkäit, Effiziänz und Naachhaltigkäit sicherschtelled. Drum verchnüpfed mir mit öisne 13 Baanzäntre s dichte, schwiizwiite Güeterzuugnetz mit öisne Transport- und Laagerlogistikaagebot. Hüt verbringed mir rund 60% vo de Sändige uf de emissioonsarme Schine. Jedi Nacht befördered mir mit rund 240 Baanwäge 23'000 Sändige und erspaared de Umwält so e beachtlichi Aazaal Tone CO2

Zueverläässigkäit und Flexibilitäät
Iri Stückgüeter holed mir am gwünschte Standort ab und verbringed si am nächschte Werchtaag i de ganze Schwiiz und z Liechteschtäi. Zwüschetine räised Iri Güeter di wiiti Schtrecki über d Nacht mit em Zuug – zueverläässig und pünktlich. So werded 85% vo de Waare us Sammeltranspört bis zum Mittag gliferet. Falls Iri Güeter di übliche Maass überschriited oder e speziells Händling erfordered, chönd Si usere ganze Palette a Dienschtläischtige für Spezialformaat uusläse.

Täilladige

Wänn Si meereri Güeter möchted verschikke, aber Ire Uuftraag nöd s ganze Faarzüüg uusfüllt, reded mer vonere Täilladig. Hüüfig musmer bim Täilladigsvercheer nöd Umlade, und das macht en schnäller und flexiibler als e Stückguetbeförderig. Uf Wunsch chömer Täilladige am gliiche Taag uuslifere.

Komplettladige

E Komplettladig isch di schnällschti, flexiibelschti und wirtschaftlichschti Art vo Transport. Will mir demit de Transport komplett a de technische Spezifikazioone vo Irne Waare und a Irne Wünsch uusrichted. Wänn möglich sezzed mir au bi söttige Uufträäg de emissioonsarmi Zuug mit Wächselpritsche ii.

Temperatuurkontrollierti Transpört

Di äinte Sändige wi Farma oder Läbesmittel sind temperatuursensitiiv. Für diä roled mir entspächendi Faarzüüg mit elektroonisch gschtüürete Temperatuurkontrole i äinhäitliche oder gmischte Transpört aa. Debii garantiäred mir s Iihalte vo sämtliche Bedingige vo de Hügieenereguliärig und de Produktvoorschrifte.

Gfaareguettranspört

Als Gfaaregüeter gälted bischpiilswiis Füürwerchskörper, Liithium-Batteriiä, bschtimmti Düngemittel, Chloor und anderi Chemikaalie. Usser radioaktiivem Materiaal transportiäred und laagered mir sämtlichi Gfaaregüeter. Au i dem Bisness halted mir öis as europääische Überiikome über di internazionaali Beförderig vo gföörliche Güeter uf de Straass (ADR) und uf de Schine (RID), a di bundesräätlich Verornig über d Beförderig vo gföörliche Güeter uf de Straass und ad Schwiizer Gfaareguetbeuuftraagteverornig. Öisi Faarerine und Faarer sind uf en professionelle Umgang mit Gfaareschtoff gschuelet und trääged so zu de maximaale Sicherhäit vo Mänsch und Umwält bii.

Luftfracht

Bevor Iri Luftfracht «rädi for teik-off» isch mached mir si «rädi for käritsch». Das häisst, si wird suuber gleiblet – wänn nötig mit em entsprächende Gfaareguetleibel –, nach de schträngschte Sicherhäitsvoorgaabe gscriint, rächtziitig voorghollt und ebeso pünktlich zuegschtellt. Zum Luftfrachtersazzvercheer ghöört für öis Logistiker ebefalls, dass mir d Palett für di dischponiärte Flugzüüg zentimeetergnau boued, beschtücked und d Sändige entschprächend druf absichered.

City-Logistik

D Vercheers- und d Umwältbelaschtig i de Schtedt nimmt schteetig zue. Drum schaffed mir da nach em Konzept vo de Ssitti(City)-Logistik. Drunder verschtönd mir di pündleti Waarebeliferig vo Empfänger i Schtadtzäntre dur möglischt wenig Uusliferigsfaarte pro Taag. D Waare chömed schwiizwiit per Zuug i öisi schtätische Baanzänter. Deet laded mer si uf Liferwäge, Laschtwäge, Faarzüüg mit alternatiive Aatriib oder z Zermaat uf e Rössligutsche um. D Güeter schteled mir nacher i konsolidiärte Waareschtrööm zue. So entlaschted mir bi konschtante Versoorgigskwalitäät di schtedtisch Imfrastruktuur und erräiched e höcheri Wirtschaftlichkäit im urbaane Güetervercheer.

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.

Mee Vortäil, mee Wert

Si profitiäred vo öisere lange Erfaarig im Stückguettransport und mached Iri Rössursse frei für Iri Chunde.

Mit Täil- und Komplettladige nuzzed Si interessanti Ziit- und Choschtevortäil.

Mit Irne Stückgüeter müend Si sich nöd nach gnormte Gränzwert richte – mir richted öis nach Irnen Aaligge.

60% vo Irne Stückgüeter legged d Schtrecki im emissioonsarme Schinevercheer zrugg.

Übers Chundeportaal bewirtschafted und pfläged Si schnäll und nuzzeroptimiärt Iri Stückguet- und Laagerlogistikuufträäg.

Naachhaltigkäit, Sicherhäit, Kwalitäät: Da defüür schtömer mit öisem Familiäname.

Miele Schweiz arbeitet seit vielen Jahren mit Planzer in den Bereichen Lager- und Transportlogistik zusammen. Uns verbindet das permanente Streben nach Qualität, ganz getreu dem Miele Motto «Immer besser.». Wir schätzen die reibungslose und kollegiale Zusammenarbeit. Unsere und die Anliegen unserer Kunden liegen auch Planzer am Herzen. Die Zusammenarbeit zeichnet auch dadurch aus, dass wir gemeinsam stetig an der Verbesserung unserer Effizienz und unserer Dienstleistungsqualität arbeiten. So ist schon manche innovative Idee entstanden und in die Tat umgesetzt worden.

Roger Gämperli Director IT & Logistics, Miele Schweiz
Roger

Iren Aaschprächpartner

Severin Baer
Severin Baer Mitgliid vode Gschäftsleitig
Leiter nazionali Transpört
Leiter «Planzer Paket»
Adrässe

Planzer Transport AG
Lerzenstrasse 14
8953 Dietikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop