Medikamänt, Naarigsmittelergänzige, Bluätkonserve, Analüüseproobe, Sterilisazioonsinschtrumänt – diä und wiiteri Produkt vo de Farma- und Biotechinduschtrii schteled bsunderi Aaforderige ad Transport- und Laagerlogistik. Zu de wichtigschte ghöört di luggeloosi Iihaltig vo gforderete Tämperatuurberäich nach Guud Distribiuuschen Präctiss (GDP). Da dörfed Si sich voll und ganz uf öisi Soorgfalt und Kompläienss Swiss Meid verlaa. Und uf öisi langjäärigi Erfaarig mit Farmatranspört.

Läischtige huutnööch am Läbe

GDP-Konformitäät

Bim Transport vo Farma- und Biotechprodukt sezzed mer di aaschpruchsvolle Voorgaabe vo GDP/GMP/GxP, Swissmedic und andere Inschtanze kompromissloos um. Zum Bischpiil verlangend d GDP-Gäidläins e luggeloosi Tämperatuurkontrole mit de entschprächende Uufzäichnig vo de Abholig bis zu de Uusliferig, äxtra für das voorgseeni Faarzüüg, spezielli Tämperatuurzoone im Waarenumschlaag und äiniges mee.

Laagerlogistik

Wer über Transport redt, sött au über Laagerig rede. Drum kümmered mer öis au um di GDP-konformi Laagerlogistik vo Irne Farma und Biotechprodukt, vom Waareniigang über d Laagerig und d Meerwertdiänscht bis zu de Versandvoorberäitig.

Gsamtlöösige

Im Raame vo umfassende Farma- und Helthcäär-Löösige nämed mer Muschterzüüg vor, büüted diversi GMP-Zuesazzläischtige aa und wickled aggregiärti oder schpezialisiärti Farmasändige ab, zum Bischpiil für de Luftfrachtvercheer.

Chundeportaal

I öisem webbasiärte Chundeportaal hämer sämtlichi elektroonische Diänscht us Laager- und Transportlogistik wiä Uuftraagserfassig, Laagerbeschtandsübersicht, Sändigsverfolgig und mee für Sii zämegfüert.

Träck & Treiss
Da demit verfolged Si Iri Stückguet-, Nacht-, Houmserviss- und Päcklisändige kwasi in Ächtziit. Will mir ab em Waareniigang jedere Versandäinhäit en elektroonischi Fuessfessle aalegged. So wüssed Si immer ganz genau, wo Iri Sändig underwäx isch. Sobald mir si uusgliferet händ, schtaat d Uusliferigsbeschtäätigung spöötischtens drüü Minuute nach de Underschrift vom Empfänger als PDF für Sii beräit. Usserdem chönd Si di automaatische Benaachrichtigunge de Bedürfnis vo Irne Chunde aapasse.

TransNet
Mit dere Äpp bewirtschafted Si Iri Transportuufträäg schnäll und sicher. Si erfassed si diräkt im Sischteem oder mutiäred wichtigi Eggdaate wiä Empfänger-Inschtrukzioone, Liferziit oder d Art vo de Waar. Sämtlichi Daate vo aktuelle Uufträäg bliibed schtändig erhalte und für Sii jederziit iiseebaar.

Login

Is Chundeportaal iilogge
Demoversioon aaluäge

Händ Si no käs Login zu öisem Chundeportaal? Iri Aaschprächpersoon hilft Ine gern wiiter.

Automaatischi Daateüberträägig

Überen elektroonischi Daateschnittschtell (EDI) verbindt öisi ÄiTii-Abtäilig Iri ERP-Softwäär mit öisem Transport- oder Laagerlogistiksischteem – oder sogar mit bäidem. So schteled mir sicher, dass ali transportrelevante Daate wiä Absänder und Empfänger, Waarenart, Schtuckzaal, Verpackig, Bruttogwicht, Abmässige oder ali für d Laagerlogistik wichtige Aagaabe wiä Artikelschtammdaate, Produktionsuuftraag, Schtuckliischte, Chundenuuftraag, Schtaatusbuächige oder Rötuurehändling mit Irne ERP-Daate überäinschtimed. Falls Si käi EDI-Schnittschtelle wünsched, chönd Si Iri Uufträäg manuell i öisem Chundeportaal erfasse.

Mee Vortäil, mee Wert

Transport und Waarenumschlaag passiäred under schtrikte Iihaltig vo GDP-Richtliniä.

Bi öis kümmered sich nur GDP-kwalifiziärti Mitarbäitendi um Iri Farma- und Biotechsändige.

Si dörfed sich uf e kwalitatiiv höchschtehendi und effiziänti Beliferig vo Irne Chunde verlaa, trotz schtränge Tämperatuurvoorgaabe.

Dank GDP-konforme Prozäss und Dokumäntazioone schteled Si Iri Kompläienss sicher.

Si verfolged de Sändigsschtaatus jederziit onläin über Träck&Treiss.

Für umfassenderi Farmalogistikaaligge chömed Si vo öis e Gsamtlöösig us äinere Hand über.

Der steigende Anspruch an Qualität sowie ein schwankendes Volumen sorgen für ein herausforderndes Umfeld. Dank des motivierten Teams und der sehr angenehmen Unternehmenskultur von Planzer steht der Bewältigung dieser Herausforderungen nichts im Wege und wir profitieren in der Zusammenarbeit von einem gemeinsamen stetigen Wachstum.

Andreas Koch Galenica AG, Leiter Wholesale & Logistics
Andreas

Iren Aaschprächpartner

Stefan Röösli
Stefan Röösli Transportleiter
Adrässe

Planzer Transport AG
Allmendstrasse 14
5612 Villmergen

+41 (0) 44 / 744 64 64 Zum Kontaktformulaar Zum Chundeportaal Standort Tschöpps