Sii sind individuell, aaschpruchsvoll und fordered ganzhäitlichi Aasäzz. Drum finded Si bi öis e langi Räie vo Gsamtlöösige. Ali kombiniäred öisi Dienschtläischtige uf underschidlichi Art, segs Transport, Laagerlogischtik, ÄiTii oder Theeme wiä Ssitti-Logischtik. Ganz gliich, i weläre Bransche oder für weli Zwäck Si öis angaschiäred: Mir hälfed Ine, Irere Useforderig soo z begägne, dass si sich als Schansse entpuppt.

Werum öisi Gsamtlöösige de Blick fürs Ganze händ

Ii-Komerss

Im Ii-Komerss agiäred mir soozsäge als Ire verlängereti Aarm bim Ändchund. Mir lifered Iri Sändige bis ad Huustüür oder über d Tüürschwele uus. Und mir soorged für en hervooraagende bliibende Iidruck. Oder mir übernämed di internazionaali Voorholig vo de Waare mit de Laagerlogischtik.

Ersazztäillogischtik

Oft sind d Ersazztäil di wichtigschte Komponänte überhaupt. Drum profitiäred Si vo öisere hochmechanisiärte Ersazztäillogischtik. Nur scho im AKL z Härkinge verarbäited mir über 70’000 Ersazztäili im Pick-bäi-Läit-Verfaare.

Iväntlogischtik

Ivänts sind für Sii möglicherwiis zentraal, zum sich im beschte Liächt z presentiäre. Öisi Iväntlogischtik hilft Ine, s Iväntmateriaal z verwalte, rächtziitig zu de Lokeischen z bringe und Iren Uuftritt voor Ort z optimiäre.

Fitness

Öb dihäi oder im Fitnesszenter, Fitnessgräät sind beliäbt. Mit öisere Fitnesslogischtik soorged mir defüür, dass das Aaligge bi Irnen Ändchunde in Form bliibt.

Fuud

D Versoorgigschette mit Fuud isch nöd nur überläbenswichtig, sondern au hööchscht aaschpruchsvoll. Für Sii gwäärläischted mir d Konformitäät mit Irem Pflichteheft, HACCP und öise Sicherhäitsbeschtimige.

Gfaargüeter

Gift, wassergföördendi Schtoff, brännbaari Flüssigkäite, Chemikaaliä, Sonderabfäll, Schprängschtoff oder Muschterzüüg dörfed Si ruig öis aavertroue. Mir mached Iri Gfaarguetlöösig mit de ADR-Beschtimige und schträngschte Kontrole vertrout.

Hushalt-/professionelli Gräät

Für d Logischtik vo Elektro-Chlii- und Groossgräät bruuched Si en Partner wo sich mit Transport, Uusliferig, Montaasch, Funkzioonskontrole, Grobräinigung, Abnaam, Verpackigsmateriaal und Rötuure uuskännt. Und mit Irem Ändchund.

Huus und Gaarte

Für di mäischte Mänsche sind Huus und Gaarte di wichtigschte Läbesrüüm. Mit öisem Houmserviss lifered mer ales, was es zum Schpile, Entschpane und Woolfüüle bruucht. Lifererläbnis inklusiive.

Häimelektroonik

Mit öisere Häimelektrooniklöösig werded elektroonischi Gräät für dihäi zum Häimschpiil. Da büüted mer en Voor-Ort-Serviss vo erschter Güeti und e tolls mobiils Komunikazioonserläbnis.

Häiend-Logischtik

Für Iri HäiTech-Gräät beweged mer öis im HäiEnd vo de Logischtik. Mir übernämed s Transportmänätschment, d Laagerlogischtik und mee.

Houm/Pörsenel Cäär

E professionelli Houm- und Pörsenel-Cäär-Logischtik erforderet, dass Si Effiziänz, Erfaarig, Verlässlichkäit, Kompläienss und Kwalitäät gekonnt kombiniäred. Für das sind Si bi öis genau richtig.

Medizinaaltechnik

D Logischtik vo Medtech-Gräät will glernt sii. I öisem Medical Servisszenter und bim Transport vo hoochsensiible Gräät us Medizinaal- und Laboortechnik mached mer Ine e jaarzääntelangi Erfaarig znuzze.

Mööbel

Wer nöii oder bruuchti Mööbel gchauft hät, möcht diä mäischtens au häi gliferet und uufgschtellt haa. Da chömed Irem Privaat- oder Gschäftschund de Planzer Houmserviss und öisi mobiile Komunikazioonstuuls zguet.

Autsoorssing

Es git vill gueti Gründ für es Autsoorssing vo de Logischtik oder vo Täil devoo. Und es git vill Aabüüter. Aber es git nur wenig wo de hööche Kwalitäät vo Irem Huus gnüeged. Äine devoo sind mir.

Farma- und Helthcäär

Mir händ öis siit villne Jaare uf di hoochsensiibli Farmalogischtik schpezialisiärt und käned jede Paragraaf vo GDP/GMP/GxP, Swissmedic und wiitere Inschtanze. Und vor alem Iri Bedürfniss.

Produkzioonsversoorgig

D Effiziänz und d Kwalitäät vo Irere Produkzioonsversoorgig entschäidet nöd sälte über de Erfolg vo Irere Wertschöpfig. Drum sötted Si uf en Partner zrugggriife wo das Bisness us em Effeff kännt.

Ripäärlogischtik

Mit öisere Ripäärlogischtik bringed mer TV, Monitoore oder anderi elektroonischi Gräät vom Ändchund zum Reparatuurdienscht und zrugg, je nach Wunsch mit Verzolig, Zwüsche- oder Iilaagere.

Suppläi Tschein Mänätschment

Für vili KMU sind Suppläi Tschein Mänätschment und Forth-Parti-Lodschistiks (4PL) immerno Fremdwöörter. Mir zäiged Ine, weli Sünergiiä i Irere Liferchette stecked – und reded dezue Iri Schpraach.

Händ Si gwüüst, dass …?

… mir Bschtelige i Irem Onläin-Schopp Irem Ändchund bis ad Huustüür lifered und di gsamti Laagerbewirtschaftig für Sii übernämed?

… mir nöd nur Iri Houm Ssinemas und Saundboords laagered und uuslifered, sondern au s Reparatuurmänätschment defüür übernämed?

… mir i öisem automaatische Chliitäillaager z Härkingen Platz für über 70’000 Chliitäili händ und die im Pick-bäi-Läit-Verfaare beräitschteled?

… mir nöd nur Gfaarguettranspört, sondern au Gfaarguetlaagerlogischtik nach allne Regle vo de ADR-Beschtimige voornämed?

… mir für Sii d Logischtik vo Fuud und Pörsenel-Cäär mit 100%ige HACCP-Konformitäät erlediged?

… mir mit öisere Produkzioonsversoorgig di effiziänti Versoorgig vo Irne Produkzioonsliniä sicherschteled?

… mir als Ire Proväider für Forth-Parti-Lodschistiks (4PL) s Potenziaal vo Irere Suppläi Tschein freisezzed?

Ire Aaschprächpartner

Severin Baer
Severin Baer Mitgliid vode Gschäftsleitig
Leiter nazionali Transpört
Leiter «Planzer Paket»
Adrässe

Planzer Transport AG
Lerzenstrasse 14
8953 Dietikon

Reded Si mit öis über Iri Plään

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop