Planzer-Transport: Stückguet- und Päcklisändige

Gueti Läischtige für beschti Güeter: Transportdienschtläischtige im Überblick

Öises koschtbaarschte Guet isch Ires Vertroue. Drum dörfed Si vo öisne Transportdienschtläischtige im In- und Ussland 100% Verlässlichkäit und erschtklassigi Technologiiä erwaarte. Allne gmäinsaam isch öises Angaschman für Iri Zfridehäit, für d Sicherhäit vo Irere Waar und für d Umwält. So räised rund 60% vo Irne Stückguet– und Päcklisändige i de Schwiiz uf de emissioonsaarme Schine. Und falls Ire Gschäftshorizont über d Landesgränze uusgaat, gönd mir Ine mit ere internazionaale Transportkompetänz, ere jaarzääntelangen Erfaarig mit jedere Art vo Verzolig und eme guet iigschpillte Luftfrachtersazzvercheer zur Hand.

Fakte händ s Wort

Nazionaal

23’000

Sändige pro Taag

85%

vo de Sändige bis am Mittag gliferet

60%

über di umwältfründlich Schine

7406 t

gschpaarte CO₂-Uusschtooss

204

Baanwäge pro Nacht

1800

Faarzüüg, devoo 340 Subundernämer

11 Mio.

suuberi Zuugkilomeeter pro Jaar

Internazionaal

2240

Sändige pro Taag

3140

transportiärti Tone täglich

380

Faarzüüg im Iisazz

1500

Verzolige pro Taag

Werum Transport meh als Transport isch

Stückguet i de Schwiiz

Umwältschoonende Zuugtransport, dichts schwiizwiits Netzwerch, läärfaartenaarmi Dischposizioon: Diä und wiiteri Attribuut zäichned öise nazionaali Stückguettransport uus.

Farmatranspört

Bim Transport vo Farma- und Biotechprodukt halted mir öis ooni Wänn und Aber ad Beschtimige vo GDP/GMP/GxP, Swissmedic und andere Standardsetter. Zu dem ghöört e luggeloosi Tämperatuurkontrole mit Uufzäichnig.

Planzer Pakeet

Underem Leibel Planzer Pakeet im urschprüngliche Retroluk lifered mer Sändige bis maximaal 30 Kilo zu Gschäfts- oder Privaatempfänger – es Lächle inklusiive.

Planzer Houmserviss

Äinigi vo Irne Waare möcht de Ändchund häi gliferet überchoo. Das übernämed mir gern. Und Sii entschäided, wiä wiit öise Planzer Houmserviss gaat.

Nachtexpress

Für Iri Päckli schwärmed mer au i de Nacht uus und schteled sicher, dass si i de Schwiiz und z Liechteschtäi bis schpöötischtens am Morgen am Sibni uusgliferet sind. Kat-off vo öisem Nachtexpress isch zabig am Zäni.

Schpeziaaltranspört

Überlängene, Überbräitene, Schwäärtranspört, Chraanetranspört, Sonderplatziärige – für das und äiniges mee bringed mir öisi Schpeziaaltranspört is Role.

Konteiner-Logischtik

Siit fascht 30 Jaar simer als Konteinerschpeditööre mit Irere Seefracht underwäx. Für das sezzed mir e schtarchi Konteinerflotte und vill Erfaarig mit GDP-Richtliniä i Bewegig.

Privaat- und Gschäftszüglete

Zügle hät immer zwäi Siite: e Schööni und en Aaschträngendi. Öisi Zügelprofis übernämed di Zwäiti, segs für Privaatpersoone, Äinzelundernäme oder e ganzes Filialnetz.

Transport internazionaal

Ganz gliich, wohäär oder wohii Iri Güeter söled gliferet werde: Mit öisere internazionaale Transportlogischtik bringed mer Iri Waar als Täil- oder Komplettladige im passende Moudal Splitt sicher as Ziil.

Verzolige

Dass es Ine am Zoll nöd d Schpraach verschlaat, übernämed mir d Ii- und Uusfuer-, EU- oder Transitverzolige und schtönd Ine als Fiskaalverträter oder zueglaane Empfänger/Versänder bii.

Luftfrachtersazzvercheer

Im Luftfrachtersazzvercheer bringed mir Iri Fracht uf d Schtraass. Das erwiiteret Iri Luftfrachtkapazitääte und bündlet d Waareflüss a Iri Hauptflughäfe.

Mit em Chundeportaal jederziit debii

Chundeportaal

I öisem webbasiärte Chundeportaal hämer sämtlichi elektroonische Diänscht us Laager- und Transportlogistik wiä Uuftraagserfassig, Laagerbeschtandsübersicht, Sändigsverfolgig und mee für Sii zämegfüert.

Träck & Treiss
Da demit verfolged Si Iri Stückguet-, Nacht-, Houmserviss- und Päcklisändige kwasi in Ächtziit. Will mir ab em Waareniigang jedere Versandäinhäit en elektroonischi Fuessfessle aalegged. So wüssed Si immer ganz genau, wo Iri Sändig underwäx isch. Sobald mir si uusgliferet händ, schtaat d Uusliferigsbeschtäätigung spöötischtens drüü Minuute nach de Underschrift vom Empfänger als PDF für Sii beräit. Usserdem chönd Si di automaatische Benaachrichtigunge de Bedürfnis vo Irne Chunde aapasse.

TransNet
Mit dere Äpp bewirtschafted Si Iri Transportuufträäg schnäll und sicher. Si erfassed si diräkt im Sischteem oder mutiäred wichtigi Eggdaate wiä Empfänger-Inschtrukzioone, Liferziit oder d Art vo de Waar. Sämtlichi Daate vo aktuelle Uufträäg bliibed schtändig erhalte und für Sii jederziit iiseebaar.

Login

Is Chundeportaal iilogge
Demoversioon aaluäge

Händ Si no käs Login zu öisem Chundeportaal? Iri Aaschprächpersoon hilft Ine gern wiiter.

Automaatischi Daateüberträägig

Überen elektroonischi Daateschnittschtell (EDI) verbindt öisi ÄiTii-Abtäilig Iri ERP-Softwäär mit öisem Transport- oder Laagerlogistiksischteem – oder sogar mit bäidem. So schteled mir sicher, dass ali transportrelevante Daate wiä Absänder und Empfänger, Waarenart, Schtuckzaal, Verpackig, Bruttogwicht, Abmässige oder ali für d Laagerlogistik wichtige Aagaabe wiä Artikelschtammdaate, Produktionsuuftraag, Schtuckliischte, Chundenuuftraag, Schtaatusbuächige oder Rötuurehändling mit Irne ERP-Daate überäinschtimed. Falls Si käi EDI-Schnittschtelle wünsched, chönd Si Iri Uufträäg manuell i öisem Chundeportaal erfasse.

Händ Si gwüsst, dass …?

… mir nöd nume Stückgüeter a Gschäftschunde uuslifered, sondern mit Planzer Houmserviss und Planzer Pakeet au Privatchunde bediäned?

… mir mit öisem Nachtexpress Iri Öffnigsziit um d Nacht verlängered?

… mir öis im Konteinerbisness mit mee als 60 Zuugmaschine und 220 underschidliche, mäischtens luftgfäderete Konteinerschassi für Ires Überseegschäft schtarch mached?

… mir dank öisere äigne Schpedizioon au Iri Übersee-Transpört erlediged?

… mir wältwiit so guet vernetzt sind, dass Iri Güeter innerhalb vo 24 Schtund de Zuegang zu internazionaale Märt finded?

… mir Ine a acht Schtandort in Öiroopa en bräite Fächer a Laagerlogischtik- und Verzoligsdienschtläischtige aabüüted?