Wer Seefracht uf d Schtraass bringt, mues mee chöne als transportiäre. Drum verschaffed mer Ine im Konteinergschäft e Räie vo seefeschte Vortäil: optimaali Laag, läischtigsschtarchi Imfraschtruktuur, Schpeziaalfaarzüüg, maximaali Flexibilitäät und Null-Toleranz bi de Kwalitäät. Öise Netzwerchpartner Paul Leimgruber AG isch en etabliärte Schwiizer Konteinerschpeditöör. Und das siit 1993.

Tüchtigi Läischtige an Boord

Konteinertranspört

D Konteinertransportlogischtik kännt verschideni Abläuf. Jee nach Wunsch und Waar passt de äint oder de ander besser zu Irnen Aaligge.

Import-Konteiner

via Umschlaag z Pratteln

Soo gömer voor, wänn Ire Empfänger di nöötige Rössursse nöd hät, zum en Konteiner sälber entlade, und er d Waar palettiärt möcht aagliferet haa:

  • De Konteiner wird am Baanhoof oder am Rhiihafe glade
  • Mir entladeden im Umschlaaglaager z Pratteln
  • Mir bringed de lääri Konteiner is Konteinerdepo
  • Di entladene Waare sortiäred, palettiäred oder nöitralisiäred mer uf Ire Wunsch hii und lifereds gmääss Irne Aagaabe a di gwünschti Deschtinazioon – oder mir laagereds ii.

Export-Konteiner

via Umschlaag z Pratteln

Soo machemers, wänn de Exportöör nöd chan uf di nöötig Määnpauer oder s erforderliche Nouhau zuegriife zum en Konteiner schtaue und sichere.

  • Iri Waare werded gmääss Irnen Aagaabe abgholt
  • Für das holed mer en lääre Konteiner im Depo ab und schteleden z Pratteln für de Belaad beräit
  • Deet wird de Konteiner gschtaut, gsicheret und plombiärt (HSS, Häi Sekiuriti Siil)
  • Jetzt bringed mer de Konteiner mit em LKW gmääss Irne Inschtrukzioone zum Baanhoof, an Rhiihafe oder i seer dringende Fäll diräkt an Seehafe z Antwerpe, z Rotterdam, z Hamburg oder suscht nöimed

Import-Konteiner diräkt

Das Verfaare beschriibt de Diräktimport vo Irem Konteiner ooni Umschlaag:

  • Mir holed Ire Konteiner am Baanhoof oder am Rhiihafe ab
  • Uf de Schtraass bringed mer en diräkt zum Empfänger, won er vor Ort chan entlade werde
  • De lääri Konteiner bringed mer is Konteinerdepo zrugg

Export-Konteiner diräkt

Das Verfaare beschriibt de Diräktexport vo Irem Konteiner ooni Umschlaag:

  • Mir holed de lääri Konteiner us em Depo
  • Mir schteled en diräkt bim Verlader für de Belaad beräit
  • Nachem Belaad wird de Konteiner gsicheret und plombiärt (HSS, Häi Sekiuriti Siil)
  • Jetzt bringed mer de Konteiner mit em LKW gmääss Irne Inschtrukzioone zum Baanhoof, an Rhiihafe oder i seer dringende Fäll diräkt an Seehafe z Antwerpe, z Rotterdam, z Hamburg oder suscht nöimed.

Konteiner

Jedes Jaar lönd mir 35’000 Seefrachtkonteiner i de ganze Schwiiz uusrole. Mir sind für Ständerd-, Häi-Kiuub-; Riifer- oder Tank-Konteiner, 20-, 40- oder 45-Fuess-Konteiner uusgrüschtet.

Konteinerfaarzüüg

Öisi Flotte für de Landvercheer vo Irne ISO-Konteiner umfasst über 60 Zuugmaschine und 220 underschidlichi, mäischtens luftgfädereti Konteinerschassi.

Belade/Entlade

Sowool für FCL-Verladig als au für Stückgüeter per LCL-Verladig für de Landvercheer schtönd mer beräit. Öb FEU, TEU oder anderi Beladigsmängene – mir richtet öise Konteinervoor- und -naachlauf nach de Maass und Regle vo Irere Fracht.

Frachtaarte

Öis isch fascht jedi Fracht willkome, wo voor oder nach de Schtraass de Seewäg iischlaat. Au ales Gfaarguet ghöört zu öisem Alltag als Konteinerlogischtiker, mit Uusnaam vo radioaktiivem Gfaarguet Klass 7.

GDP-Richtliniä

De Transport vo Arznäi- und Medizinaalprodukt erfolgt nach de aktuelle Richtliniä vo de Gud Distribiuuschen Präktis GDP. D Tämperatuurkontrole vo de Abholig bis zu de Uusliferig schteled mer mit ere luggeloose Tämperatuuruufzäichnig sicher.

Liferschtaatus

Über öises webbasiärte Chundeportaal griifed Si uf ali relevante Schtaatusimformazioone vo Irne Uufträäg zue. Mit däne Läivdaate gseend Si de aktuelli Schtand vo Irne Konteiner jederziit und bekwääm onläin ii.

Automaatischi Dateüberträgig

Überen elektroonischi Daateschnittschtell (EDI) verbindt öisi ÄiTii-Abtäilig Iri ERP-Softwäär mit öisem Transport- oder Laagerlogistiksischteem – oder sogar mit bäidem. So schteled mir sicher, dass ali transportrelevante Daate wiä Absänder und Empfänger, Waarenart, Schtuckzaal, Verpackig, Bruttogwicht, Abmässige oder ali für d Laagerlogistik wichtige Aagaabe wiä Artikelschtammdaate, Produktionsuuftraag, Schtuckliischte, Chundenuuftraag, Schtaatusbuächige oder Rötuurehändling mit Irne ERP-Daate überäinschtimed. Falls Si käi EDI-Schnittschtelle wünsched, chönd Si Iri Uufträäg manuell i öisem Chundeportaal erfasse.

Mee Vortäil, mee Wert

Mit öisne erfaarene Netzwerchpartner bringed mer Iri Fracht id und us de Schwiiz schnäll und sicher as Ziil.

D Schpedizioon vo Konteiner isch siit über 50 Jaar öises Metiee. Diä Erfaarig zallt sich für Sii uus.

Öisi Faarzüügflotte isch läischtigsschtarch und für praktisch jede ISO-Konteiner und jedes Bedürfnis iigrichtet.

Mir halted d GDP-Richtliniä für Farmaprodukt kompromissloos ii.

Seit vielen Jahren zeichnet sich die Planzer-Gruppe durch starke Transportleistungen und einen persönlichen Kundenservice aus. Wir schätzen das hohe Mass an Flexibilität und die professionelle Zusammenarbeit.

Daniel Kunz Agility, Basel
Daniel

Iren Aaschprächpartner

Urs Markwalder
Urs Markwalder Gschäftsfüerer
Adrässe

Paul Leimgruber AG
Niderfeldstrasse 5
4133 Pratteln

+41 (0) 44 / 744 64 64 Zum Kontaktformulaar Zum Chundeportaal Standort Tschöpps